Уладзімер Карызна (кампазытар)

Уладзімер Карызна
	Уладзімер Карызна
Дата нараджэньня	30 верасьня 1962 (62 гады)
Месца нараджэньня	Опса Браслаўскага раёну Віцебскай вобласьці БССР
Грамадзянства	Беларусь
Месца вучобы	Беларуская дзяржаўная акадэмія музыкі;
Занятак	кампазытар
Месца працы	Нацыянальная дзяржаўная тэлерадыёкампанія Рэспублікі Беларусь; Беларусьфільм; Беларуская дзяржаўная акадэмія сувязі[d];
Сябра ў	Беларускі саюз кампазытараў[d]
Бацька	Уладзімер Карызна

Вікіпэдыя мае артыкулы пра іншых асобаў з прозьвішчам Карызна.

Уладзі́мер Уладзі́меравіч Кары́зна (нар. 30 верасьня 1962, мястэчка Опса Браслаўскага раёну Віцебскай вобласьці БССР) — беларускі кампазытар.

Жыцьцяпіс

Пасьля школы скончыў музычную вучэльню, служыў у войску.

У 1990 року скончыў Беларускую дзяржаўную кансэрваторыю па спэцыяльнасьці „кампазыцыя“ прафэсара Яўгена Глебава. Сябра Беларускага саюзу кампазытараў (1991).

Працаваў на Беларускім тэлебачаньні (1995—1997), кінастудыі „Беларусьфільм“ (1998—1999). З 2005 року працуе мастацкім кіраўніком творчага аб’яднаньня „Прэм’ера“ Вышэйшага дзяржаўнага коледжу сувязі.

Творчасьць

Працуе ў розных музычных жанрах. Напісаў харавыя цыклі на вершы Максіма Багдановіча і Ўладзімера Карызны-старэйшага, сымфанічныя паэмы, інструмэнтальныя і эстрадныя п’есы, апрацоўкі беларускіх народных песьняў, творы для дзяцей, песьні.

Прэміі і ўзнагароды

Ляўрэат рэспубліканскіх конкурсаў патрыятычнай песьні 1989, 1990 рр.
II прэмія і ганаровы прыз Фэдэрацыі прафсаюзаў беларускай на II рэспубліканскім конкурсе вайскова-патрыятычнай песьні 1995 року.
Пераможца рэспубліканскага конкурсу песьняў, прысьвечаных гораду Менску (1999)
Аўтар песьні-пераможцы на Ўсерасейскім конкурсе салдацкай песьні ў намінацыі „Песьні сучасных аўтараў“ (2002)
Уладальнік дыплёму і спэцпрызу „Найлепшая песьня X Рэспубліканскага конкурсу маладых эстрадных выканаўцаў «Белазаўскі акорд»“ (2011)
Граматы Міністэрства сувязі й інфарматызацыі Беларусі

Сям’я

Жанаты, жонка Сьвятлана — піяністка. Старэйшая дачка Настасься — скрыпачка^[1], сын Іван — віялянчэліст, ^[2].

Крыніцы

^ Чэмер, Мікола (6 студзеня 2017) На сувязі. Настаўніцкая газэта. Праверана 3 лютага 2021 г.
^ Надзея Бунцэвіч. Карызна-бэнд // Культура. — 20—27 кастрычніка 2012. — № 42 (1064).

Вонкавыя спасылкі

Жыцьцяпіс на бачыне Беларускага саюзу кампазытараў
Жыцьцяпіс на бачыне Беларускай дзяржаўнай філярмоніі
Творы Ўладзімера Карызны(недаступная спасылка) ў электронным каталёгу Нацыянальнай бібліятэкі Беларусі

[1] Чэмер, Мікола (6 студзеня 2017) На сувязі. Настаўніцкая газэта. Праверана 3 лютага 2021 г.

[2] Надзея Бунцэвіч. Карызна-бэнд // Культура. — 20—27 кастрычніка 2012. — № 42 (1064).

[1]

[2]