Тэрмінатар: Цёмны лёс

Тэрмінатар: Цёмны лёс
Terminator: Dark Fate
Жанр	баявік[d], навукова-фантастычны фільм[d], фільм пра падарожжы ў часе[d] і постапакаліптычны фільм[d]
Рэжысэр	Тым Мілер
Сцэнарыст	Дэйвід Гоер Джастын Роўдз Білі Рэй
Прадусар	Джэймз Кэмэран Дэйвід Элісан
У ролях	Лінда Гамільтан Арнольд Шварцэнэгер Макензі Дэйвіс Натальля Рэес Габрыель Луна Дыега Банэта
Кампазытар	Junkie XL
Апэратар	Кен Сэнг
Мантаж	Джуліян Кларк
Вытворчасьць	Paramount Pictures 20th Century Fox Skydance Media Lightstorm Entertainment Tencent Pictures
Распаўсюд	Paramount Pictures і Hulu[d]
Дата выхаду	1 лістапада 2019 (5 гадоў таму)
Працягласьць	128 хвіліна
Краіна	ЗША
Мова	ангельская
Бюджэт	$160—200 млн
Прыбытак	261 119 292 $ і 62 253 077 $
Папярэдні	Тэрмінатар 2. Дзень суду
Старонка на IMDb
Афіцыйны сайт

«Тэрміна́тар: Цёмны лёс» (па-ангельску: Terminator: Dark Fate) — амэрыканскі навукова-фантастычны баявік 2019 року рэжысэра Тыма Мілера, шосты фільм у сэрыі пра «Тэрмінатара». Джэймз Кэмэран браў удзел у напісаньні сцэнару фільму і стаў адным з прадусэраў.

Дзеяньні адбываюцца ў працяг 1-й і 2-й частак, не беручы пад увагу ўсе астатнія фільмы франшызы — яны лічацца падзеямі з альтэрнатыўнай будучыні. У фільме зноў зьявяцца Лінда Гамільтан і Арнольд Шварцэнэгер у ролях Сары Конар і Т-800 адпаведна.

Сюжэт

Пасьля падзеяў «Суднага дню» мінулі больш як два дзесяцігодзьдзі. Даведаўшыся, што з будучыні выпраўлены Тэрмінатар (Габрыель Луна), Сара Конар (Лінда Гамільтан) накіроўваецца на абарону дзяўчыны на ймя Дані Рамас (Натальля Рэес) і ейных сяброў…

У ролях

• Арнольд Шварцэнэгер — Т-800 «Мадэль 101», тэрмінатар старога пакаленьня, які дапамагае Сары ў абароне Дані.
  • Брэт Азар — двайнік для «маладзейшага» Т-800.
• Лінда Гамільтан — Сара Конар, маці Джона Конара, будучага правадыра Супраціву ў вайне са Скайнэтам.
• Макензі Дэйвіс — Грэйс, гібрыд чалавека і машыны, адасланы з будучыні на абарону Дані Рамас ад новага прататыпу Тэрмінатара.
  • Стэфані Гіл — маладая Грэйс.
• Натальля Рэес — Даніела «Дані» Рамас, дзяўчына, якую намагаецца зьнішчыць новы Тэрмінатар.
• Габрыель Луна — Вэрсія 9, палепшаны і абноўлены вадкамэталічны Тэрмінатар, адасланы ў мінулае на зьнішчэньні Дані.
• Дыега Банэта — Мігель Рамас, старэйшы брат Дані.
• Джуд Кольлі — Джон Конар, сын Сары Конар, які ў будучыні ўзначаліць барацьбу чалавецтва супраць робатаў за выжываньне.

Вытворчасьць

Джэймз Кэмэран пачаў працу над перазагрузкай сэрыі ў 2017 року. Імя рэжысэра стала вядомае ў верасьні. Сюжэт распрацавалі Тым Мілер, Джэймз Кэмэран і заснавальнік Skydance Media Дэйвід Элісан; сцэнарысты пашырылі гісторыю да трылёгіі.

Арнольд Шварцэнэгер пацьвердзіў свой удзел у здымках наступнага «Тэрмінатару» ў траўні 2017 року; пра вяртаньне Лінды Гамільтан стала вядома ў верасьні. Новыя акторы былі падпісаныя ў наступным годзе.

Здымкі адбываліся з чэрвеня па лістапад 2018 року, пачаўшыся ў Гішпаніі, Вугоршчыне, пасьля пераехалі ў ЗША. Афіцыйны трэйлер зьявіўся 23 траўня 2019 року.

Прэм’ера фільму заплянаваная на 1 лістапада 2019.

Вонкавыя спасылкі

• Тэрмінатар: Цёмны лёс (анг.) на сайце IMDb