Таўканіца

Таўканіца, ды яшчэ з кропчыкам

Таўкані́ца (на паўднёвым захадзе Беларусі тоўка́ніца) — беларуская народная страва. Мае простыя складнікі:

• бульба
• цыбуля
• соль.

Бульба бярэцца любая. Яе чысьцяць і лупіны выкідаюць. Бульбу пасьля чысткі ня рэжуць, а «круглую» бульбу вараць. Пасьля варкі бульбу таўкуць (адсюль і назва стравы) у месіва. Тое месіва кладуць на патэльню, дабаўляюць цыбулі, соль і зноў смажаць, каб зварылася цыбуля. У выніку паўторнага смажаньня на паверхні таўканіцы можа зьявіцца смачная скарынка.

Таўканіцу можна есьці з:

• салёнымі гуркамі
• квашанай капустай
• скваркамі.