Сярэднік (возера, Браслаўскі раён)

Возера Сярэднік Краіна Беларусь Плошча 0,17 км² Плошча вадазбору 9,19 км² Максымальная глыбіня 5 м Сярэдняя глыбіня 3,5 м Найбольшая даўжыня 1,13 км Найбольшая шырыня 0,24 км Даўжыня берагавой лініі 2,61 Аб’ём вады 0,59 млн. м³ Каардынаты 55°29′25.98″ пн. ш. 27°05′07.2″ у. д. Сярэднік на мапе Беларусі Сярэднік

Сярэ́днік, Замо́скае — возера ў Беларусі, у басэйне ракі Дружнянкі. Знаходзіцца ў Браслаўскім раёне Віцебскай вобласьці. Плошча паверхні возера 0,17 км². Даўжыня 1,13 км, найбольшая шырыня 0,24 км. Найбольшая глыбіня дасягае 5 м, сярэдняя складае 3,5 м. Аб’ём вады 0,59 млн м³. Даўжыня берагавой лініі 2,61 км.

На берагох возера стаіць гістарычнае мястэчка Замошша.

Апісаньне

Катлавіна лагчыннага тыпу, моцна выцягнутая з поўначы на поўдзень. Схілы дасягаюць вышыні 5—8 м, супясковыя, спадзістыя ў верхняй частцы і стромкія ў ніжняй. Берагі зьліваюцца з схіламі, у паўднёва-ўсходняй частцы берагі нізкія. Глыбіні да 2 м займаюць каля 18 % плошчы возера. Дно да глыбіні 1—1,5 м пясковае, да 2—3 м высьцілаецца пясковым глеем, глыбей — крэменязёмістым сапрапэлем.

Возера эўтрофнае. У паўночнай частцы зь Сярэдніка выцякае ручай у возера Шылава, у паўднёва-заходняй частцы ўпадае ручай з возера Паддворнага. Зарастае каля 30 % плошчы. Расьліннасьць пашыраецца да глыбіні 1,5 м на адлегласьці 2—10 м ад берага.

Літаратура

• Энцыклапедыя прыроды Беларусі: у 5 т. Т. 5: Стаўраструм ― Яшчур / Рэдкал.: І. П. Шамякін (галоўны рэдактар) і інш. — Мн.: БелСЭ, 1986. — 581 с.