Сядзіба Багдановічаў (Абадоўцы)

Комплекс пабудоў
Сядзіба Багдановічаў
Руіны вінакурні
Краіна	Беларусь
Вёска	Абадоўцы
Адрас	Вялейскі раён
Каардынаты	54°27′7″ пн. ш. 27°17′21″ у. д.
Архітэктурны стыль	эклектыка
Стан	руіны
Сядзіба Багдановічаў на мапе Беларусі Сядзіба Багдановічаў

Абадо́ўская сядзі́ба — помнік сядзібна-паркавай архітэктуры эклектыкі ў в. Абадоўцы Вялейскага раёну. Пабудавана ў другой палове XIX стагодзьдзя. Належала Багдановічам.

Архітэктура

У сядзібу ўваходзілі: сядзібны дом, парк, 2 сажалкі, сад, вінакурны завод, прыёмнік сьпірту, склад сыроў, гараж, рымарскія, стайні, кароўнік, кузьня, малочня, ток, катух, флігель, аранжарэя, пабудаваныя з бутавага камню і цэглы. Сядзібны дом — доўгі аднапавярховы драўляны будынак з мансардай. На цокалі, які захаваўся ад сядзібнага дома, пабудаваны склеп.

Парк

Капліца-пахавальня Багдановічаў

Парк абкружаны па пэрымэтры алеямі. Аснову яго кампазыцыі складалі невялікія паляны і групы дрэў, з паўночнага боку расьлі сады. З садамі межавалі прыродныя прысады. У адной зь іх знаходзіцца сямейны магільны склеп-капліца сярэдзіны XIX ст., пабудаваны ў формах нэаготыкі.

Літаратура

• Абадоўская сядзіба // Культура Беларусі: энцыклапедыя / рэдкал.: Т. Бялова (гал. рэд.) [і інш.]. — Менск: Беларус. Энцыкл. імя П. Броўкі, 2010. — Т. 1. — 704с.:іл. с. — 3000 ас. — ISBN 978-985-11-0496-9
• Старинные усадьбы Минского края

Вонкавыя спасылкі

• Сядзіба Багдановічаў  (рас.), Глёбус Беларусі