Сьцяпан Шутаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сьцяпан Шутаў
Род дзейнасьці вайсковы дзеяч, палкоўнік
Дата нараджэньня 30 студзеня 1902
Месца нараджэньня Глуша, Бабруйскі павет
Дата сьмерці 17 красавіка 1963 (61 год)
Месца сьмерці Кіеў, УССР
Месца пахаваньня Байкавыя могілкі
Альма-матэр Ваенна-палітычная акадэмія імя У. І. Леніна[d]
Занятак афіцэр
Узнагароды
Ордэн Чырвонага Сьцяга Ордэн Леніна Герой Савецкага Саюзу медаль «За абарону Масквы» медаль «За абарону Сталінграда» Мэдаль «За перамогу над Нямеччынай у Вялікай Айчыннай вайне 1941—1945 гг.» мэдаль «Залатая Зорка» Герой Савецкага Саюзу мэдаль «Залатая Зорка» Ордэн Чырвонага Сьцяга

Сьцяпан Фёдаравіч Шутаў (30 студзеня, паводле старога стылю 17 студзеня, 1902, Глуша, Бабруйскі павет, цяпер Бабруйскі раён, Магілёўская вобласьць — 17 красавіка 1963, Кіеў, Украіна) — удзельнік грамадзянскай і нямецка-савецкай войнаў, камандзір 20-е гвардзейскае танкавае брыгады (5-й гвардзейскі танкавы корпус), палкоўнік, двойчы Герой Савецкага Саюзу 1944.

Біяграфія[рэдагаваць | рэдагаваць крыніцу]

Зь беларускае сялянскае батрацкае сям’і. У складзе чырвонагвардзейскіх і партызанскіх аддзелаў удзельнічаў у баех супраць нямецкіх і польскіх войскаў у Беларусі. З 1924 сябар ВКП (б), па партмабілізацыі накіраваны ў шэрагі Чырвонае Арміі.

У 1927 скончыў Аб’яднаную ваенную школу імя УЦВК, у 1930 — Ваенна-палітычныя курсы, у 1932 — Ленінградзкія бранетанкавыя курсы ўдасканаленьня, у 1937 — акадэмічныя курсы ўдасканаленьня пры Ваеннай акадэміі мэханізаваньня і матарызацыі і ў 1943 — акадэмічныя курсы ўдасканаленьня каманднага складу. Да вайны камандаваў танкавай ротай, батальёнам.

Нямецка-савецкую вайну пачаў камандзірам танкавага батальёну, ваяваў на Заходнім, Волхаўскім, Варонескім, 1-м і 2-м Украінскіх франтох у пасадах камандзіра батальёна, танкавага палка, брыгады, намесьніка камандзіра 9-го гвардзейскага мэханізаванага корпуса. Удзельнічаў у бітве пад Масквой, на Курскай Дузе, фарсіраваў Дняпро, вызваляў Кіеў. За фарсіраваньне Дняпра і вызваленьне Кіева, за ўмелае кіраўніцтва брыгадай і выяўленыя пры гэтым гераічнасьць і мужнасьць 10 студзеня 1944 ганараваны званьнем Героя Савецкага Саюза з уручэньнем ордэна Леніна і мэдалём «Залатая Зорка» (№ 2158). Другой «Залатой Зоркай» быў узнагароджаны за ўзорнае выкананьне заданьняў камандаваньня падчас Яска-Кішынёўскай апэрацыі 13 верасьня 1944. У адным з баёў быў цяжка паранены ў руку і пасьля яе ампутацыі ў верасьні 1944 выйшаў у адстаўку. Быў узнагароджаны таксама яшчэ адным Ордэнам Леніна, двума ордэнамі Чырвонага Сьцяга і мэдалямі.

Жыў у Кіеве, дзе і сканаў пасьля цяжкай хваробы. Пахаваны тамсама на Байкавых могілках.

Памяць[рэдагаваць | рэдагаваць крыніцу]

Бронзавы бюст Шутава ўсталяваны на яго радзіме ў пасёлку Глуша Бабруйскага раёну, ягоным імем названая вуліца Вуліца Сьцяпана Шутава ў Маскве й Кіеве.

Літаратура[рэдагаваць | рэдагаваць крыніцу]