Станка Ўраз
| Станка Ўраз | |
 | |
| Асабістыя зьвесткі | |
|---|---|
| Нарадзіўся | 30 чэрвеня 1810[1][2] |
| Памёр | 20 траўня 1851 (40 гадоў) |
| Пахаваны | |
| Літаратурная дзейнасьць | |
| Род дзейнасьці | мовазнавец, пісьменьнік, паэт, перакладнік, літаратурны крытык |
| Мова | славенская[4] і харвацкая[4] |
Ста́нка Ўраз (па-харвацку і па-славенску Stanko Vraz, сапраўднае імя Jakob Frass; 30 чэрвеня 1810 — 20 траўня 1851) — харвацкі і славенскі літаратар.
Біяграфія
[рэдагаваць | рэдагаваць крыніцу]Нарадзіўся ў Цэраўцы (Славенія). Стаў адной зь вядучых постацяў харвацкага нацыянальнага адраджэньня — Ілірскага руху. Паэт, крытык, перакладнік, зьбіральнік фальклёру. Першы харвацкі прафэсійны літаратар.
У 1842 годзе разам з калегамі Людэвітам Вукацінавічам і Драгуцінам Ракаўцам заснаваў літаратурна-крытычны часопіс «Кола» (Kolo), у якім выступаў за эўрапейскія крытэрыі ў літаратуры і супраць літаратурнага дылетантызму. У той жа час лічыў, што літаратура павінна чэрпаць з народнай творчасьці і літаратур іншых славянскіх народаў.
Найкаштоўнейшую частку ягонай літаратурнай спадчыны ўяўляе лірыка каханьня. Аўтар зборнікаў вершаў «Đulabijе» і «Sanak i istina». Выкарыстоўваў клясычныя формы вершу: санэт, баляду, газэлу, раманс.
Крыніцы
[рэдагаваць | рэдагаваць крыніцу]- ^ Stanko Vraz // Энцыкляпэдыя Бракгаўза (ням.)
- ^ Wurzbach D. C. v. Vraz, Stanko (ням.) // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 51. — S. 317.
- ^ Враз Станко (рас.) / под ред. А. М. Прохорова — 3-е изд. — Москва: Советская энциклопедия, 1969.
- ^ а б Vraz, Stanko // CONOR.SI
Вонкавыя спасылкі
[рэдагаваць | рэдагаваць крыніцу]- Вершы (харв.)
