Споры

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Возера
Споры
Краіна Беларусь
Плошча 0,7 км²
Плошча вадазбору 48 км²
Максымальная глыбіня 20,8 м
Найбольшая даўжыня 1,45 км
Найбольшая шырыня 0,84 км
Даўжыня берагавой лініі 4,89 км
Аб’ём вады 3,38 млн. м³
Каардынаты 55°4′11.16″ пн. ш. 26°47′14.38″ у. д. / 55.0697667° пн. ш. 26.7873278° у. д. / 55.0697667; 26.7873278Каардынаты: 55°4′11.16″ пн. ш. 26°47′14.38″ у. д. / 55.0697667° пн. ш. 26.7873278° у. д. / 55.0697667; 26.7873278
Споры на мапе Беларусі
Споры
Споры
Споры

Споры — возера ў Пастаўскім раёне Віцебскай вобласьці. Разьмешчанае за 5 км на паўднёвы захад ад Паставаў каля вёскі Шыркі. Належыць да групы Пастаўскіх азёр.

Знаходзіцца ў басэйне ракі Мядзелкі. Плошча возера складае 0,7 км². Найбольшая глыбіня возера — 20,8 м. Даўжыня Спораў складае 1,45 км, найбольшая шырыня — 0,84 км. Даўжыня берагавой лініі — 4,89 км. Аб’ём вады ў возеры складае 3,38 м³, плошча вадазбору возера — 48 км².

Схілы катлавіны возера маюць вышыню 10—20 мэтраў. На поўначы і захадзе схілы парослыя лесам, а на паўднёвым усходзе і ўсходзе разараныя.

Заходняя частка возера глыбакаводная, усходняя — мелкаводная, з плоскім дном. Прыблізна ў цэнтры возера паміж глыбокай і мелкаводнай часткамі разьмяшчаецца выспа, плошча якой складае 0,015 км². У возеры ёсьць 3 вялікія затокі. Берагі пакрытыя хмызьняком, месцамі зьліваюцца з схіламі. Мелкаводзьдзе пяшчанае, а глыбакаводная зона высланая глеем.

Возера зарастае да глыбіні 4,5—5,2 мэтру.

Праз возера цячэ рака Спорыца і злучае яго з азёрамі Сьвітка і Задзеўскае. У возера ўпадае ручай Варонаўка. Таксама з возера Споркі ўпадае ручай.

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1.