Бэкерэль (адзінка вымярэньня)

Бэкерэ́ль (пазначэньне: Бк, Bq) — адзінка вымярэньня радыяактыўнасьці ў сыстэме СІ, названая ў гонар францускага навукоўцы Антуана Анры Бэкерэля. Бэкерэль вызначаецца як актыўнасьць такой колькасьці рэчыва, у якой у сярэднім за адну сэкунду адбываецца адзін радыяактыўны распад. Празь іншыя адзінкі вымярэньня СІ бэкерэль выражаецца наступным чынам:

Бк = с⁻¹

Ва ўсіх выпадках, калі гаворка ідзе пра вымярэньне радыяактыўнасьці, замест с⁻¹ пажадана ўжываць бэкерэль. Гэтае правіла прынята для таго, каб прадухіліць няправільную інтэрпрэтацыю і прыцягнуць увагу да магчымай небясьпекі вымеранай велічыні для здароўя людзей.

Бэкерэль — вельмі маленькая адзінка вымярэньня, на практыцы, як правіла, выкарыстоўваюцца кратныя адзінкі, утворанныя з дапамогай дзесятковых прыставак. Аднак у дасьледаваньнях вельмі рэдкіх радыяактыўных працэсаў выкарыстоўваюцца і дзельныя адзінкі (мілі- і мікрабэкерэлі).

Раней для вымярэньня радыяактыўнасьці выкарыстоўвалася пазасыстэмная адзінка вымярэньня кюры:

1 Кі = 3,7·10¹⁰ Бк (дакладна).

Кратныя і дзельныя адзінкі

Дзесятковыя кратныя і дзельныя адзінкі ўтвораюць з дапамогай стандартных прыставак СІ.

Кратныя				Дзельныя
велічыня	назва	пазначэньне		велічыня	назва	пазначэньне
101 Бк	дэкабэкерэль	даБк	daBq	10-1 Бк	дэцыбэкерэль	дБк	dBq
102 Бк	гэктабэкерэль	гБк	hBq	10-2 Бк	сантыбэкерэль	сБк	cBq
103 Бк	кілябэкерэль	кБк	kBq	10-3 Бк	мілібэкерэль	мБк	mBq
106 Бк	мэгабэкерэль	МБк	MBq	10-6 Бк	мікрабэкерэль	мкБк	µBq
109 Бк	гігабэкерэль	ГБк	GBq	10-9 Бк	нанабэкерэль	нБк	nBq
1012 Бк	тэрабэкерэль	ТБк	TBq	10-12 Бк	пікабэкерэль	пБк	pBq
1015 Бк	пэтабэкерэль	ПБк	PBq	10-15 Бк	фэмтабэкерэль	фБк	fBq
1018 Бк	экзабэкерэль	ЭБк	EBq	10-18 Бк	аттабэкерэль	аБк	aBq
1021 Бк	зэтабэкерэль	ЗБк	ZBq	10-21 Бк	зэптабэкерэль	зБк	zBq
1024 Бк	ётабэкерэль	ІБк	YBq	10-24 Бк	ёктабэкерэль	іБк	yBq

Вонкавыя спасылкі

• Глоссарий.ру (рас.)
• Вытворныя адзінкі СІ (Міжнароднае бюро мер і ваг) (анг.)