Пранглі
| Пранглі | |
 | |
| Месца | Балтыйскае мора |
|---|---|
| Плошча | 6,62 км² |
| Краіна | Эстонія |
| Вобласьць | Хар’юмаа |
| Насельніцтва (2010) | 169 |
| Каардынаты | 59°37′28″ пн. ш. 25°1′15″ у. д. / 59.62444° пн. ш. 25.02083° у. д.Каардынаты: 59°37′28″ пн. ш. 25°1′15″ у. д. / 59.62444° пн. ш. 25.02083° у. д. |
| Пранглі на мапе Эстоніі   Пранглі | |
Пранглі (па-эстонску: Prangli) — востраў на поўдні Фінскай затокі на тэрыторыі павету Хар’юмаа ў Эстоніі. Агульная плошча — 6,62 км². Насельніцтва (2017 г.) — 169 чалавек.
Геаграфія
[рэдагаваць | рэдагаваць крыніцу]Востраў Пранглі месьціцца па поўдні Фінскай затокі за 21 км на паўночны ўсход ад Таліну, сталіцы Эстоніі. Берагі скалістыя на захадзе і пясчаныя з выдмамі на ўсходзе. Пераважаюць гліністыя глебы з украпваньнямі сланцаў. На паверхні часьцяком сустракаюцца валуны. Найбольшыя зь іх маюць свае назвы.
У 1946—1960 гг. на Пранглі здабывалі прыродны газ.
Прырода
[рэдагаваць | рэдагаваць крыніцу]Паверхня Пранглі пакрытая лугамі, мяшанымі лясамі і прыбярэжнымі выдмамі. На востраве сустракаецца каля 40 відаў птушак, у тым ліку траўнік, малая крачка, олушы.
Гісторыя
[рэдагаваць | рэдагаваць крыніцу]У Сярэднявеччы востраў меў значную ролю ў суднаходзтве ў Фінскай затоцы. Яго назва Vrangö на скандынаўскіх мовах значыла «заваротак». Зьвесткі пра наяўнасьць паселішча зьявіліся ў 1491 годзе. Першымі насельнікамі былі швэды, якія займаліся рыбалоўствам.
У нашы дні большасьць жыхароў складаюць эстонцы. Насельніцтва сканцэнтравана ў 3 вёсках. Дзейнічае паромная пераправа. Разьвіваецца турызм.