Паўло Лі

Паўло Лі
Павло Лі
Імя пры нараджэньні	Павло Романович Лі
Дата нараджэньня	10 ліпеня 1988(1988-07-10)
Месца нараджэньня	Эўпаторыя, Крымская вобласьць[d], УССР, СССР
Дата сьмерці	6 сакавіка 2022(2022-03-06) (33 гады)
Месца сьмерці	Ірпень, Кіеўская вобласьць, Украіна
Месца пахаваньня	Варохта
Грамадзянства	Украіна
Занятак	актор
Гады дзейнасьці	2003—2022
IMDb	ID nm2460720
Сайт	pashali.at.ua

Паўло́ Лí (па-ўкраінску: Павло Романович Лі; 10 ліпеня 1988, Эўпаторыя, УССР — 6 сакавіка 2022, Ірпень, Украіна) — украінскі актор кіно і дубляжу, кампазытар, сьпявак. Вядомы таксама пад імем Паша Лі.

Жыцьцяпіс

Нарадзіўся ў 1988 годзе ў Эўпаторыі. Бацька — Лі Раман Мікалаевіч, музыкант, скончыў Сімфэропальскую музычную навучальню па спэцыяльнасьці духавое мастацтва, інструмэнт — труба. Маці — Лі Марыя Васільеўна, майстарка спорту міжнароднага клясу па лыжным спорце, па адукацыі — харэографка.

Навучаўся ў Кіеве па спэцыяльнасьці «актор тэатру і кіно».

Працаваў у тэатры «Колесо», адначасова здымаўся ў кіно і рэкляме. Стаў адной з зорак першага фільму жахаў «Штольня» (2007) Любаміра Лявіцкага. Паралельна выступаў з вакальнымі нумарамі ў некаторых прэстыжных клюбах Кіева. Шырокая папулярнасць прыйшла да артыста з удзелам у шоў «Фабрыка зорак — 3» украінскай вэрсіі. Нягледзячы на тое, што ён пакінуў шоу не як пераможца, яго заўважылі Канстанцін Меладзэ і Настасься Прыходзька. Апошняя ўзяла яго пад сваё крыло разам з прадусарам Ігарам Ганчарэнкам. Так нарадзіўся праект пад простай назвай «Паша Лі».

Загінуў 6 сакавіка 2022 году пад абстрэлам у Ірпені.

Фільмаграфія

• «Адзін за ўсіх» (Один за всіх, 2003)
• «Штольня» (Штольня, 2006)
• «За ўсё табе дзякуй-3» (За все тобі дякую-3, 2008)
• «Звычайная справа» (Звичайна справа, 2012)
• «Цені незабытых продкаў» (Тіні незабутих предків, 2013)
• «SelfieParty» (2016)
• «Правіла бою» (Правило бою, 2017)
• «Спэцы» (Специ, 2017)
• «Сустрэча аднаклясьнікаў» (Зустріч однокласників, 2019).