Паўднёвая акруга (Ізраіль)

Паўднёвая акруга (па-габрэйску: מחוז הדרום‎‎, па-арабску: لواء الجنوب‎) — найвялікшая зь сямі адміністрацыйных акругаў дзяржавы Ізраіль — агульная плошча складае 14 185 км²^[1]; але з улікам таго, што большую частку тэрыторыі займаюць пустыні Нэгеў і Арава, у акрузе пры гэтым найменьшая шчыльнасьць насельніцтва — 79 чал./км².

Адміністрацыйны цэнтар — Бээр-Шэва. Найбуйнейшы горад па колькасьці насельніцтва — Ашдод.

Гісторыя

Адной з геаграфічных асаблівасьцяў Паўднёвай акругі зьяўляецца тое, што яна мае выйсьце да двух акіянаў: празь міжземнаморскія пляжы Ашдоду і Ашкелёну на захадзе — да Атлянтычнага акіяну, а горад Эйлят на поўдні стаіць на беразе Акабскай затокі Чырвонага мора, якое ўваходзіць у басэйн Індыйскага акіяну.

Па дадзеным Цэнтральнага статыстычнага бюро Ізраілю ў 2011 годзе ў акрузе агулам пражывала 1 121 600 чалавек^[3], у тым ліку:

Па нацыянальнасьці:
- Жыды: 844 500 (75,3 %)
- Арабы: 206 400 (18,4 %)
- Іншыя: 70 800 (6,3 %)
Па веравызнаньню:
- Юдэі: 844 300 (75,3 %)
- Мусульмане: 205 500 (18.3 %)
- Хрысьціяне: 4 700 (0.4%)
- Іншыя: 66 800 (6.0%)

Падакругі	Гарады	Мясцовыя рады	Рэгіянальныя рады
Ашкелён^[4]	Ашдод Ашкелён Кір’ят Гат Кір’ят Малахі Сдэрот		Бээр Туўя Ёаў Ляхіш Хоф Ашкелён Шафір Ша’ар ха-Нэгеў
Бээр-Шэва^[5]	Арад Афакім Бээр-Шэва Дымона Нэтывот Рахат Эйлят	Ар’арат ан-Нэгеў Ерухам Кусэйфэ Лэхавім Лякія Міцпэ Рамон Мэйтар Омэр Рамат Хаваў Тэль ас-Сабі Хура Шагіб аль-Салям	Абу Басма Бнэй Шымон Мэрхавім Рамат ха-Нэгеў Сдот Нэгеў Тамар Хэвэль Эйлот Цэнтральная Арава Эшколь