Пакаленьне Z
Пакаленьне Z (па-ангельску: Generation Z) (таксама «зумерамі», «зэтамі», «цэнтэніяламі») — тэрмін, якім называюць маладых людзей, якія нарадзіліся ў двухтысячных. Часьцяком тэрмін «пакаленьне Z» разглядаецца ў якасьці сынонімы тэрміна «лічбавы чалавек» [1]. Сам тэрмін адпавядае тэорыі пакаленьняў, створанай Уільямам Штраўсам і Нілам Хоўвам у 1990-я.
Адрозьненьні ад папярэдніх пакаленьняў[рэдагаваць | рэдагаваць крыніцу]
Зумеры больш пісьменныя ў пляне электронікі, чым іх папярэднікі. Пакаленьне расло паралельна з разьвіцьцём лічбавых тэхналёгій, адсюль такая залежнасьць да інтэрнэту, смартфонаў, сацыяльных сетак. Людзі гэтага пакаленьня аддаюць перавагу кнігам і ґазэтам электронны кантэнт — кнігі ў электронным выглядзе й лічбавыя фатаздымкі, навіны ў стужцы сацыяльных мэдыя, відэа на YouTube, а жывым зносінам — у большасьці камунікацыі праз інтэрнэт і сучасныя сродкі сувязі.[2]
Прадстаўнікі гэтага пакаленьня не схільныя да таго, каб займацца нялюбай справай усё жыцьцё, тым больш перарабляць да выгараньня, ахвяраваць сваім камфортам ці ж выпрабоўваць прыніжэньня з боку начальства.[2]. Сярод іх распаўсюджана праца на даму, асабіста на гэту тэндэцыю паўплывала пандэмія каранавірусу, дзякуючы якой, стала зразумела, што больш бесьпечна зарабляць фінансы праз інтэрнэт-працу.
Статыстыка па Беларусі[рэдагаваць | рэдагаваць крыніцу]
Агульная колькасьць пакаленьня Z у Беларусі — крыху больш за 1,5 млн чалавек. Мужчынскага полу — 51,5%, жаночага — 48,5%. Абсалютна ва ўсіх рэгіёнах і ва ўсіх узроставых інтэрвалах Z — пакаленьня хлопчыкаў больш, чым дзяўчынак.
У гарадах жыве 77,6% прадстаўнікоў пакаленьня Z.[3]