Пажытнік

Пажытнік
Марфалёгія тыповага прадстаўніка роду — грэцкага сена
Клясыфікацыя
Надцарства	Эўкарыёты
Царства	Расьліны
Аддзел	Кветкавыя расьліны
Кляса	Двухдольныя
Атрад	Бабовакветныя
Сямейства	Бабовыя
Падсямейства	Стручковыя
Трыба	Trifolieae
Род	Пажытнік
Бінамінальная намэнклятура
Trigonella L.
Пажытнік на Віківідах  Пажытнік у Вікісховішчы ITIS 27008 · NCBI 78532

Пажы́тнік (Trigonella L.) – род расьлінаў сямейства бабовых. Уключае 95 відаў, якія растуць на ўсіх кантынэнтах Старога Сьвету да Акіяніі.

Марфалёгія

Аднагадовыя і шматгадовыя расьліны.

Лісьце трайчастае.

Кветкі разьмешчаныя ў пазухах лісьця, звычайна сабраныя ў парасонікавыя або гронкавыя суквецьці, радзей самотныя. Вяночак жоўты, блакітны або фіялетавы.

Боб цыліндрычны, часам сьціснуты, звычайна лінейны або плоскі, з даўгім носікам.

Біялёгія

Апыленьне адбываецца пры дапамозе рычаговага мэханізму – казуркі, сядаючы на кветку, націскаюць на крылаўку і ложу, дзякуючы чаму зародня перамяўчаецца ўгору і абсыпае казурку зьнізу пылком. Мэханізм можа дзейнічаць паўторна пры кожным наведваньні апыляльніка.

Расьліны роду пажытнікаў маюць вялікую колькасьць кумарыну, які надае ім спэцыфічны водар, тым большы падчас сушэньня.

Прымяненьне

Некаторыя віды пажытніку па высушваньні і здрабненьні служаць водарнымі дадаткамі да ежы.

Сушанае лісьце, сьцябліны і насеньне грэцкага сена(d) прымяняюцца як спэцыя. Маладое лісьце і сьцябліны выкарыстоўваюцца як гародніна, а насеньне — у лекарскіх мэтах. Найчасьцей выкарыстоўваецца экстракт з насеньня пажытніку, багаты на бялкі, валокны і сапаніны.