Падзеньне Кабулу (2021)

Падзеньне Кабулу
Наступ Талібану, вайна ў Аўганістане, вайна супраць тэрарызму
Па стрэлцы зьлева зьверху: аўганцы ўцякаюць праз Кабульскі аэрапорт на летаку ЗША; Корпус марской пяхоты ЗША праводзіць эвакуацыю ў аэрапорце; жаўнеры кааліцыі дапамагаюць эвакуяваць дзіцёнка; збройныя талібы ў Кабуле; талібы сядзяць на захопленым Humvee
Дата: 15 жніўня 2021 (3 гады таму) Месца: Кабул, Аўганістан Вынік: перамога Талібану падзеньне Ісламскай рэспублікі Аўганістану сканчэньне вайны ў Аўганістане аднаўленьне ісламскага эмірату Аўганістану пачатак пратэстаў супраць новай улады Тэрытарыяльныя зьмены: захоп Кабулу
Супернікі
Ісламскі эмірат Аўганістану	Аўганістан З падтрымкай:  ЗША  Вялікабрытанія  Аўстралія
Камандуючыя
Гайбатула Ахундзада Магамэд Якуб Абдул Гані Барадар Сыраджудын Гакані Абдул Каюм Закір Салагадын Аюбі(d) Гамдула Мухліс	Ашраф Гані Абдул Сатар Мірзаквал Бісьміла Хан Гебатула Алізэй Агмад Зія Сарадж Самі Садат Джо Байдэн Марк Мілі Борыс Джонсан Нік Картэр Скот Морысан Ангус Кэмпбэл
Колькасьць
баевікі Талібану	Узброеныя сілы Аўганістану

Падзе́ньне Кабу́лу — захоп сталіцы Аўганістану 15 жніўня 2021 року сіламі Талібану ў выніку наступу, распачатага ў траўні таго ж року. Захоп сталіцы стаў апошняй перамогай Талібану, якая скончыла доўгатрывалую вайну. Кіраўніцтва Ісламскай рэспублікі на чале з прэзыдэнтам Ашрафам Гані было скінутае, і Талібан усталяваў рэжым ісламскага эмірату.

Асноўнай прычынай захопу Талібанам улады ў Аўганістане лічыцца падпісаная 29 лютага 2020 року дамова з ЗША, пасьля якой Злучаныя Штаты спынілі авіяўдары па паўстанцах і падтрымку аўганскага войска. Яшчэ да сканчэньня поўнага вываду войскаў ЗША Талібан пачаў шырокамаштабны наступ і завалодаў большасьцю аўганскіх правінцыяў.

Пасьля захопу Кабулу ЗША і партнэры па кааліцыі здолелі эвакуяваць больш за 123 тысячы чалавек праз Кабульскі аэрапорт, які захоўваўся пад кантролем НАТО. Сярод выратаваных былі прадстаўнікі замежных амбасадаў, вайскоўцы, грамадзяне іншых дзяржаваў, аўганцы, што супрацоўнічалі з хаўрусьнікамі, журналісты і праваабаронцы. 26 жніўня тэрарыст-сьмяротнік падарваў сябе ў аэрапорце, забіўшы 169 аўганскіх уцекачоў і 13 вайскоўцаў ЗША. Пасьля апошняга рэйсу з аэрапорту 30 жніўня ў Аўганістане засталіся яшчэ колькі тысячаў грамадзянаў і рэзыдэнтаў ЗША.