Павал Ульянка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Павал Ульянка
Павел Ульянко.jpg
«Цмокі-Менск» — №4
лёгкі форвард
Рост: 204 см
Вага: 92 кг
Грамадзянства: Беларусь
Дата нараджэньня: 6 красавіка 1979 (40 гадоў)
Менск, Беларусь
Клюбная кар’ера
Асабістыя ўзнагароды і дасягненьні
Мэдалі

Павал Ульянка (нар. 6 красавіка 1979 г., г. Менск) — беларускі баскетбаліст. Выступаў за нацыянальную зборную Беларусі і беларускі клюб «Цмокі-Менск». Амплюа — лёгкі форвард. Капітан зборнай Беларусі.

Жыцьцяпіс[рэдагаваць | рэдагаваць крыніцу]

Займаўся ў менскай СДЮШАР №10 у трэнэраў Міхаіла Фэймана і Германа Радзюка[1].

Пасьля гуляў за беларускія клюбы «Аўтазаводзец-Джэнці» і РТІ-АЗАА, быў прызэрам чэмпіянату Беларусі.

У 2000 годзе па запрашэньні Алега Кіма перайшоў ў расейскі клюб «Союз» з Зарэчнага, пасьля выступаў пад кіраўніцтвам гэтага трэнэра ў «Хімік-Автадоры» і ЦСК ВПС-Самара. У складзе самарскага клюбу выйграў Кубак выкліку ФІБА ў сэзоне 2006/2007.

З 2007 году выступаў за ўкраінскія клюбы, у складзе «Гавэрлы» з Івана-Франкоўску стаў бронзавым прызэрам чэмпіянату Украіны ў сэзоне 2010/2011.

Па апытаньні газэты «Прессбол» стаў найлепшым баскетбалістам Беларусі 2010 году[2].

У сэзоне 2011/2012 выступаў ў клюбе «Калеў/Крамо» з Таліну, выйграў зь ім чэмпіянат Эстоніі.

У 2012 годзе вярнуўся ў Беларусь[3], выступаў за клюб «Цмокі-Менск», выйграў зь ім па 5 разоў чэмпіянат і Кубак Беларусі.

Гуляў у зборнай Беларусі з 1998 да 2013 году, быў яе капітанам[4].

Скончыў кар’еру ў верасьні 2017 году[5].

Дасягненьні[рэдагаваць | рэдагаваць крыніцу]

  • Чэмпіён Беларусі ў сэзонах 2012/13, 2013/14, 2014/15, 2015/16, 2016/17.
  • Срэбраны прызэр чэмпіянату Беларусі ў сэзоне 1998/99.
  • Бронзавы прызэр чэмпіянату Беларусі ў сэзоне 1999/2000.
  • Гулец нацыянальнай каманды Беларусі ў сэзонах 2003—2014, 2016.
  • Уладальнік Кубка Беларусі сэзонаў 2012, 2013, 2014, 2015, 2016.
  • Чэмпіён Эстоніі 2011/12.
  • Бронзавы прызэр чэмпіянату Ўкраіны 2010/11.
  • Уладальнік Кубку выкліка ФІБА 2006/07.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]