Нацыянальны футбольны стадыён (Менск)
| Нацыянальны футбольны стадыён | |
_1.jpg) | |
| Краіна | Беларусь |
|---|---|
| Горад | Менск |
| Адрас | вуліца Ванеева |
| Год пабудовы | 2017 |
| Зьмяшчальнасьць | 33 000 |
| Хатняя каманда | Зборная Беларусі па футболе |
| Памеры поля | 105×68 |
| Каардынаты | 53°52′46″ пн. ш. 27°36′48″ у. д. / 53.87944° пн. ш. 27.61333° у. д.Каардынаты: 53°52′46″ пн. ш. 27°36′48″ у. д. / 53.87944° пн. ш. 27.61333° у. д. |
| Нацыянальны футбольны стадыён на мапе Беларусі ±   Нацыянальны футбольны стадыён | |
|
|
Гэты артыкул мае зьвесткі пра чаканыя падзеі |
|---|
Нацыяна́льны футбо́льны стадыён — футбольны стадыён, які плянуюць пабудаваць да канца 2023 году ў Менску, Беларусь. Ён зробіцца хатняй арэнай для зборнай Беларусі па футболе. Праектная ўмяшчальнасьць стадыёну складае 33 000 месцаў.
Гісторыя[рэдагаваць | рэдагаваць крыніцу]
Ідэя будаўніцтва Нацыянальнага футбольнага стадыёну ў Менску неаднаразова абмяркоўвалася кіраўніцтвам краіны. У 2017 годзе Аляксандар Лукашэнка паведаміў, што ў будаўніцтве новай спартовай арэны дапаможа Кітай. Пагадненьне паміж Урадам Рэспублікі Беларусь і Ўрадам Кітайскай Народнай Рэспублікі аб рэалізацыі праекту тэхніка-эканамічнай дапамогі «Нацыянальны футбольны стадыён» было падпісана 10 кастрычніка 2018 году.
Праектаваньне і будаўніцтва арэны будзе ажыцьцяўляцца па кітайскіх стандартах, нормах і тэхнічных умовах з захаваньнем патрабаваньняў (крытэрыяў) і рэкамэндацыяў ФІФА, УЭФА бязь іх адаптацыі да дзеючых нормаў і стандартаў Рэспублікі Беларусь[1]. Кітайскі бок нясе адказнасьць за пошукі, праектаваньне і будаўніцтва, прадстаўляе неабходную тэхніку, абсталяваньне, матэрыялы і забясьпечвае неабходную колькасьць пэрсаналу. У сваю чаргу беларускі бок нясе адказнасьць і бярэ на сябе выдаткі за афармленьне дакумэнтаў на дазвол карыстацца зямельным участкам, а таксама выканае неабходныя работы па падрыхтоўцы тэрыторыі і адпаведнай інфраструктуры[2].
13 жніўня 2019 году Аляксандар Лукашэнка падпісаў Указ № 306 «Аб рэалізацыі праекту тэхніка-эканамічнай дапамогі «Нацыянальны футбольны стадыён»[3]. Новы спартовы аб’ект будзе ўзьведзены на пляцоўцы каля стадыёну «Трактар». Фінансаваньне будзе ажыцьцяўляцца за кошт сродкаў ураду Кітайскай Народнай Рэспублікі.
Будаўніцтва[рэдагаваць | рэдагаваць крыніцу]
Праект[рэдагаваць | рэдагаваць крыніцу]
Праект прадугледжвае будаўніцтва толькі футбольнай арэны на 33 000 месцаў. Агульная плошча забудовы — каля 48 тысячаў квадратных мэтраў (надземная частка — 42 тыс. м², падземная частка — 6 тыс. м²). Элемэнты фасаду будуць выкананыя з вэртыкальных алюмінавых панэляў, якія створаць візуальны эфэкт формы і колеру. Для заўзятараў і наведвальнікаў прадугледжана паркоўка на 307 машына-месцаў (151 у падземным паркінгу і 20 для аўтобусаў).
На стадыёне будзе абсталявана высоўная сцэна памерамі 55×25 м для правядзеньня канцэртаў. Генэральны плян улічвае захаваньне існых зялёных насаджэньняў у комплексе выкананьня добраўпарадкаваньня, у тым ліку бегавых дарожак і вялікай вэляпаркоўкі побач з арэнай. У складзе новага спартовага аб’екту таксама будуць камэрцыйная зона, клюб спорту, трэнажэрная заля, кавярня, крамы, дзіцячы цэнтар і музэй футболу[4].
Хада будаўніцтва[рэдагаваць | рэдагаваць крыніцу]
У студзені 2019 году пачалася падрыхтоўка тэрыторыі да будаўніцтва Нацыянальнага футбольнага стадыёну.
Крыніцы[рэдагаваць | рэдагаваць крыніцу]
- ^ Футбол. Нацыянальны стадыён у Мінску пабудуюць па кітайскіх стандартах без іх адаптацыі да дзеючых нормаў Рэспублікі Беларусь, Прессбол
- ^ * У Мінску пабудуюць нацыянальны футбольны стадыён з кітайскім каларытам(недаступная спасылка), Белнавіны
- ^ Кіраўніком дзяржавы падпісаны ўказы па будаўніцтве ў Мінску футбольнага стадыёна і басейна, Права.бай
- ^ Футбол. Арнамент ёсьць, бегавых дарожак няма. У сеціве зьявіліся фота макету нацыянальнага стадыёну з новых ракурсаў, Прессбол