Міхаіл Вергеенка
| Міхаіл Вергеенка | ||
| Пэрсанальная інфармацыя | ||
|---|---|---|
| Нарадзіўся | 12 студзеня 1950 | |
| Памёр | 16 ліпеня 2024[1] (74 гады) | |
| Рост | 183 см[2] | |
| Вага | 82 кг[2] | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 1970 | Гомель | 0 (0) |
| 1971—1983 | Дынама Менск | 280 (1) |
| Трэнэрскія клюбы | ||
| 1991—1994 | Дынама Менск | |
| 1992—1994 | Беларусь | |
| 1997—1999 | Беларусь | |
Міхаіл Вергеенка (нарадзіўся 12 студзеня 1950 году — 16 чэрвеня 2024, Менск) — беларускі футбаліст і футбольны трэнэр. Брамнік. У 1992—1994 і 1997—1999 гадах — галоўны трэнэр нацыянальнай зборнай Беларусі.
Клюбная кар’ера
[рэдагаваць | рэдагаваць крыніцу]Выступаў за ФК «Дынама-Менск» з 17 верасьня 1968 году па верасень 1983 году. Правёў 281 матч у межах чэмпіянату СССР (забіў 1 гол: 17 чэрвеня 1982, бакінскаму «Нэфтчы», з пэнальці) і 28 гульняў у Кубку СССР. На працягу многіх гадоў быў капітанам каманды!
У 1972 годзе ў складзе моладзевай зборнай СССР ён стаў срэбным прызёрам першага ў гісторыі маладзёжнага чэмпіянату Эўропы.
З верасьня 1983 па травень 1991 году працаваў трэнэрам і начальнікам каманды ў менскім «Дынама». З чэрвеня 1991 па травень 1994 году быў галоўным трэнэрам ФК «Дынама-Менск». Пад яго кіраўніцтвам клюб выйграў свае першыя ўзнагароды ў чэмпіянатах Беларусі: чэмпіянат і Кубак Беларусі 1992 году.
Галоўны трэнэр нацыянальнай зборнай Беларусі (чэрвень 1992 — травень 1994, лістапад 1996 — верасень 1999). З 1998 па 2000 год быў генэральным дырэктарам ФК «Дынама-Мінск»[3].
Апошнія гады ён быў намесьнікам старшыні Беларускай фэдэрацыі футболу.
Памёр 16 ліпеня 2024 году ў Менску[4].
Палітычныя погляды
[рэдагаваць | рэдагаваць крыніцу]Падпісаў адкрыты ліст спартыўных дзеячаў краіны, якія выступаюць за дзейную ўладу Беларусі пасьля жорсткіх падаўленьняў народных пратэстаў у 2020 годзе[5][6]. .
Дасягненьні
[рэдагаваць | рэдагаваць крыніцу]- Чэмпіён СССР: 1982
- Чэмпіён Беларусі: 1992, 1993
Крыніцы
[рэдагаваць | рэдагаваць крыніцу]- ^ а б в Умер Михаил Вергеенко (рас.)
- ^ а б в г https://footballfacts.ru/person/33726
- ^ Віншуем з Днём Нараджэння! Архівавана 20 мая 2021.
- ^ Памёр выбітны беларускі футбаліст і трэнэр, Bar24.by 16-07-2024
- ^ Стало известно, кто подписал открытое письмо спортсменов, выступающих за власть (рас.) TUT.BY Архіўная копія ад 2020-11-24 г.
- ^ Подписи Архіўная копія ад 2020-12-07 г.