Мікола Бусько

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Мікола Бусько
Асабістыя зьвесткі
Імя пры нараджэньні Мікалай Ёсіфавіч Бусько
Нарадзіўся 30 верасьня 1940 (79 гадоў)
в. Пагарэлка, Карэліцкі раён, Гарадзенская вобласьць
Літаратурная дзейнасьць
Род дзейнасьці паэт
Кірунак вершы
Мова беларуская
Дэбют 1970

Міко́ла Бусько (нарадзіўся 30 верасьня 1940 году, в. Пагарэлка, Карэліцкі раён, Гарадзенская вобласьць) — беларускі паэт.

Біяграфія[рэдагаваць | рэдагаваць крыніцу]

Нарадзіўся 30 верасьня 1940 году ў вёсцы Пагарэлка ў сялянскай сям’і. Пасьля заканчэньня Турэцкай сярэдняй школы Карэліцкага раёну ў 1959—1962 гг. служыў у войску. У 1962 годзе скончыў Баранавіцкі тэхнікум лёгкай прамысловасьці, а ў 1967 годзе — выяўленчы факультэт Маскоўскага завочнага народнага ўнівэрсытэту мастацтваў. У 1963—1965 гг. працаваў рабочым на лесагандлёвай базе. У 1965—1967 гг. быў афарміцелем у Доме афіцэраў, у 1967—1976 гг. — на мясакамбінаце, з 1976 году — афарміцель аўтобуснага парка ў Баранавічах. Сябра СП СССР з 1989 году[1].

Творчасьць[рэдагаваць | рэдагаваць крыніцу]

Першыя вершы апублікаваў у 1970 годзе ў раённым друку[1]. Сябра Саюзу беларускіх пісьменьнікаў з 1989 году. Вершы друкаваў у часопісах «Полымя», «Беларусь», «Маладосць», газэце «Літаратура і мастацтва», а таксама ў калектыўных зборніках «Дзень паэзіі», «Паэзія Берасцейшчыны»[2]. Аўтар кнігі паэзіі «У Нёмна на плячах» (1986)[1], «Ад галінкі да сучка — тэлефон у павучка» (1993), «Сузор’е Шаляў» (1995), «Шасцікрылец Хмарагон» (1997). Цяпер піша і рыхтуе да выданьня прозу[2].

Крыніцы[рэдагаваць | рэдагаваць крыніцу]

  1. ^ а б в Беларускія пісьменнікі (1917—1990): Даведнік. Склад. А. К. Гардзіцкі. С. 76
  2. ^ а б Мікола Бусько