Мікалай Казак (мастак)

Мікалай Казак
	Мікалай Казак
Дата нараджэньня	4 верасьня 1917
Месца нараджэньня	Менская губэрня, Расейская рэспубліка;
Дата сьмерці	30 лістапада 1994 (77 гадоў)
Месца сьмерці	Нью-Ёрк, Нью-Ёрк, ЗША;
Адукацыя	Акадэмія мастацтваў у Вене; Акадэмія мастацтваў у Рыме
Месца вучобы	Венская акадэмія выяўленчых мастацтваў;
Занятак	жывапіс
Плынь	геамэтрычнае мастацтва

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мікалай Казак.

Мікала́й Каза́к (4 верасьня 1917; в. Люшча, Лунінецкі раён — 30 верасьня 1994; Нью-Ёрк, ЗША) — беларускі мастак, клясык геамэтрычнага мастацтва. Пасьля 1950-х жыў у ЗША.

Біяграфія

У 1930-я скончыў сярэднюю школу ў Варшаве, пасьля Акадэмію Мастацтваў у Вене і акадэмію Мастацтваў у Рыме. Першыя асабістыя выставы былі зладжаныя ў Баранавічах у 1942—1943 гадах.

У Рыме ім апекаваўся Энрыка Прампаліні — цэнтральная постаць Другога італьянскага адраджэньня. Яго маніфэст «Physical Art — Action of Positive and Negative», напісаны ў Рыме параўноўвалі з творамі расейскіх канструктывістаў і Казімерам Малевічам.

На пачатку 1950-х Казак зьехаў у Нью-Ёрк. Яго выставы ладзіліся ў ЗША, Італіі, Францыі, Аргентыне і нават у СССР.

Казак наведваў Беларускую хатку ў Брукліне, дзе чытаў лекцыі па мастацтве.

Пасьля сьмерці яго архіў — біяграфічныя матэрыялы, ліставаньне, рукапісы, як выдрукаваныя, гэтак і ніколі не апублікаваныя, малюнкі, здымкі, што былі перададзеныя самім мастаком у 1977 і 1982 гадах (каля 350 адзінак) — захоўваецца ў славутым Smithsonian Archives of American Art.

Сям’я

Сям’я музыкаў — Валянціна Пархоменка, Алесь і Вольга Казакі — маюць да Мікалая Казака самае непасрэднае дачыненьне: Алесь — пляменьнік Мікалая Казака.

Літаратура

From action to dynamic silence: the art of Nikolai Kasak / John E. Bowlt and Nikolai Kasak; with contributions by Robert Kramer and Nicoletta Misler. Salt Lake City, Utah (P.O. Box 58365, Salt Lake City 84158-0365) : C. Schlacks, Jr., 1991.
Баранавічы, Рым, далей — увесь сьвет // газэта «Беларус» № 562, лістапад 2009
ART REVIEWS; With a Window on the Hudson, A New Gallery Has Big Plans // The New York Times, 23 студзеня 2005

Вонкавыя спасылкі