Расейская рэспубліка
| Колішняя дзяржава Расейская рэспубліка па-расейску: Россійская Республика | |||||
| |||||
| Гімн | Рабочая Марсэльеза[d] і гімн Вольнай Расеі[d] | ||||
|---|---|---|---|---|---|
| |||||
| 1 (14) верасьня 1917[1] — 25 кастрычніка (7 лістапада) 1917 | |||||
| Сталіца | Санкт-Пецярбург | ||||
| Афіцыйная мова | расейская мова | ||||
| Афіцыйная рэлігія | сьвецкая дзяржава[d] | ||||
| Супольныя граніцы | Японская імпэрыя | ||||
| Форма ўраду | парлямэнцкая рэспубліка і прэзыдэнцкая рэспубліка | ||||
| Валюта | рубель і керанкі[d] | ||||
| Аляксандар Керанскі | |||||
| |||||
.svg)
Расе́йская рэспу́бліка (па-расейску: Россійская республика) — назва Расеі з 1 верасьня па 25 кастрычніка 1917 году. Абвешчаная пастановай Часовага ўраду ад 1 (14) верасьня 1917 году[2]. 5 (18) студзеня 1918 году Ўсерасейскі Ўстаноўчы збор у законе пра зямлю зацьвердзіў назву «Расейская рэспубліка», а затым абвясьціў Расею дэмакратычнай фэдэратыўнай рэспублікай (аднак гэта ня мела практычнага значэньня, бо яшчэ да гэтага Ўсерасейскі цэнтральны выканаўчы камітэт абвясьціў фэдэратыўны лад Расейскай Савецкай рэспублікі. Словазлучэньне «Расейская Рэспубліка» сустракаецца ў Канстытуцыі 1918 году два разы (арт. 10 і арт. 20), адзін раз «Расейская Савецкая Рэспубліка» (арт. 2), а ў астатніх выпадках Расея ў гэтым дакумэнце называецца «Расейская Сацыялістычная Фэдэратыўная Савецкая Рэспубліка».
Беларускія нацыянальныя арганізацыі
[рэдагаваць | рэдагаваць код]У пэрыяд 1905—1917 гадоў з пачаткам росту нацыянальных рухаў у Расеі шматлікія палітычныя арганізацыі беларускага кірунку, разам з рухамі іншых не-расейскіх народаў Расеі, выказвалі ідэі пра будучую дэмакратызацыю ў Расеі, у выніку якой у Расеі будзе ўтвораная фэдэрацыя, а беларускія землі ў ёй атрымаюць статус аўтаноміі. Падобны шлях разьвіцьця Расеі й Беларусі бачыла, напрыклад, Беларуская хрысьціянская дэмакратыя, якая, аднак, ужо ў 1918 годзе падтрымала абвяшчэньне незалежнасьці Беларусі.
Ужо пасьля канца існаваньня Расейскай рэспублікі і прыходу ёй на зьмену савецкай улады шэраг беларускіх нацыянальных арганізацыяў першапачаткова прытрымліваліся думкі пра аднаўленьне не-савецкае фэдэратыўнае Расеі, у якой Беларусь мела б аўтаномію на рэспубліканскай аснове[3][4]. Падобныя пляны таксама падзялялі расейскія эсэры і габрэйскія сіяністы[3].
У сьнежні 1917 году Ўсебеларускі зьезд сфармуляваў ідэю стварэньня Беларускае Народнае Рэспублікі як аўтаноміі ў складзе Расеі[4]
Дзяржавы-пераемніцы
[рэдагаваць | рэдагаваць код]Крыніцы
[рэдагаваць | рэдагаваць код]- ↑ Boris Yeltsin Presidential Library — 2007.
- ↑ Постановление Временного правительства России «о провозглашении России республикой» от 1 (14) сентября 1917 года
- 1 2 Брэсцкі мір. Абвяшчэнне Беларускай Народнай Рэспублікі. — library.by, 2010.
- 1 2 Уладзімер Снапкоўскі. Беларуская дзяржаўнасць і дыпламатыя ў ХХ ст.. — Белорусский журнал международного права и международных отношений 2001.