Мэмарыяльная капліца (Цімкавічы)

Помнік сакральнай архітэктуры
Мэмарыяльная капліца
Мэмарыяльная капліца
Краіна	Беларусь
Вёска	Цімкавічы

Мэмарыяльная капліца — помнік гісторыі і архітэктуры XIX ст. у Цімкавічах. Знаходзіцца ў цэнтры колішняга мястэчка, пры Мікольскай царкве (не захавалася). Твор архітэктуры нэаклясыцызму.

Гісторыя

Капліца і Мікольская царква з брамай, 1917 г.

Мэмарыяльная дошка на капліцы

Мураваную капліцу ў Цімкавічах збудавалі ў другой палове XIX ст. у памяць пра скасаваньне прыгоннага права (над галоўным уваходам адпаведная мэмарыяльная дошка).

Архітэктура

Помнік архітэктуры нэаклясыцызму. Гэта цэнтрычны кубападобны аб’ём пад шатровым гонтавым дахам. Галоўны фасад вылучаецца ў цэнтры прастакутным уваходным праёмам, аздобленым з бакоў пілястрамі. Атынкаваныя сьцены праразаююца аркавымі аконнымі праёмамі ў шырокіх ліштвах у выглядзе перакінутай паміж 2 пілястрамі архівольты, падзяляюцца лапаткамі і апярэзваюцца прафіляваным карнізам.

Унутраная прастора перакрываецца цыліндрычным скляпеньнем, у алтарнай сьцяне ніша.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Мэмарыяльная капліца ў Цімкавічах, Radzima.org