Міхаіл Мустыгін
| Міхаіл Мустыгін | ||
| Пэрсанальная інфармацыя | ||
|---|---|---|
| Нарадзіўся | 27 кастрычніка 1937 | |
| Памёр | 27 студзеня 2023[1] (85 гадоў) | |
| Рост | 168 см | |
| Вага | 67 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 1955—1956 | Авангард-Кортэк[d] | |
| 1956 | Ака Ступіна[d] | |
| 1957—1958 | Авангард-Кортэк[d] | |
| 1959—1960 | ЦСКА Масква | 14 (0) |
| 1961—1968 | Дынама Менск | 234 (89) |
| 1977 | Дынама-93 | |
Міхаі́л Міха́йлавіч Мусты́гін (па-расейску: Михаил Михайлович Мустыгин; 27 кастрычніка 1937, Каломна, Маскоўская вобласьць, СССР — 27 студзеня 2023) — савецкі футбаліст, цэнтральны нападнік, трэнэр. Найбольш вядомы сваімі выступамі за менскае «Дынама», за якое гуляў 12 сэзонаў.
Кар’ера
[рэдагаваць | рэдагаваць код]У 1953 року пачаў гуляць у футбол у юнацкай камандзе «Авангард» (Каломна). Падчас праходжаньня вайсковае службы быў запрошаны ў клюб Маскоўскай вайсковай акругі «Серпухаў». Сваёй гульнёй прыцягнуў увагу прадстаўнікоў трэнэрскага штабу ЦСКА Масква, куды й быў пераведзены ў 1959. За два сэзоны ў складзе маскоўскіх армейцаў выйшаў на поле толькі ў 14 матчах, таму ў 1961 року перайшоў у «Беларусь» (пазьней — «Дынама Менск»), за які выступаў дванаццаць сэзонаў. У складзе клюбу быў адным з асноўных бамбардзіраў, маючы сярэднюю выніковасьць у чэмпіянаце 0,38 галоў/гульня. 8 гадоў быў капітанам каманды.
Некалькі разоў выклікаўся ў зборную СССР, аднак праз праблемы са здароўем выступаў толькі ў таварыскіх матчах[2].
Па сканчэньні гульнявое кар’еры перайшоў на трэнэрскую працу ў дзіцяча-юнацкія спартовыя школы[3]. Сярод ягоных выхаванцаў — Ігар Гурыновіч, Ігар Крывушэнка, Юры Пунтус[2].
Пасьля выхаду на пэнсію жыў у Малінаўцы пад Менскам[3][4].
Дасягненьні
[рэдагаваць | рэдагаваць код]- Бронзавы прызэр чэмпіянату СССР 1963 року
- Найлепшы бамбардзір чэмпіянатаў СССР 1962 (17 галоў) і 1967 (19 галоў) рокаў
- Уключаны ў сьпіс найлепшых футбалістаў сэзону 1963, 1967 рокаў
- Майстар спорту (1963)
- Мэдаль «За працоўныя адзнакі» (1968)
- Ганаровы знак БФФ (2007)[5]
Дадатковыя зьвесткі
[рэдагаваць | рэдагаваць код]Міхаіл Мустыгін зьняўся ў фільме «Зімародак» (1972) рэжысэра Вячаслава Нікіфарава[6] ў ролі Васіля[7].
Крыніцы
[рэдагаваць | рэдагаваць код]- ^ а б Ушла легенда — форвард минского «Динамо» Михаил Мустыгин (рас.) — 2023.
- ^ а б Алесь Сивый. (27 лістапада 2012) Михаил Мустыгин: «У меня ноги отнялись бы, если бы я увидел, что на игру пришло 500 болельщиков!» (рас.) Спорт. Народная воля. Праверана 24 чэрвеня 2014 г.
- ^ а б Егор Бачило. (1 лістапада 2007) Юбилей. Михаил Мустыгин: другие ценности (рас.) Футбол / Интервью. Прессбол. Праверана 24 чэрвеня 2014 г.
- ^ Ігар Карней. (23 чэрвеня 2014) Мустыгін: Ня бачу прычынаў, каб заўзець за Расею Грамадзтва. Радыё «Свабода». Праверана 24 чэрвеня 2014 г.
- ^ Михаилу Мустыгину — 76! (рас.) // Дынама Менск, 28 кастрычніка 2013 г. Праверана 24 чэрвеня 2014 г.
- ^ Зимородок (рас.) Информация о фильме. Кино-Театр.ru. Праверана 24 чэрвеня 2014 г.
- ^ Зимородок (рас.) Актёры и роли. Кино-Театр.ru. Праверана 24 чэрвеня 2014 г.
Вонкавыя спасылкі
[рэдагаваць | рэдагаваць код]- Кароткая біяграфія (рас.)
- Статыстыка выступаў (рас.)
- Нарадзіліся 27 кастрычніка
- Нарадзіліся ў 1937 годзе
- Нарадзіліся ў Каломне
- Памерлі 27 студзеня
- Памерлі ў 2023 годзе
- Футбалісты клюбу ЦСКА Масква
- Футбалісты клюбу «Дынама» Менск
- Футбалісты клюбу «Дынама-93» Менск
- Савецкія футбалісты
- Узнагароджаныя мэдалём «За працоўныя адзнакі»
- Савецкія футбольныя трэнэры
- Беларускія футбольныя трэнэры