Марыя Качынская

Марыя Качынская
	Марыя Качынская
	Maria Kaczyńska
	Афіцыйны партрэт Марыі Качынскай
Імя пры нараджэньні	Марыя Мацкевіч
Род дзейнасьці	эканамістка і грамадзкая дзяячка, жонка 8-га прэзыдэнта Польшчы
Дата нараджэньня	21 жніўня 1942
Месца нараджэньня	лясьн. Махава ля Кабыльніку,; абласны камісарыят Вялейка, Генэральная акруга Беларусь
Дата сьмерці	10 красавіка 2010
Месца сьмерці	Смаленская вобласьць,; Расея
Прычына сьмерці	Катастрофа Ту-154 пад Смаленскам
Месца пахаваньня	Катэдра сьвятых Станіслава і Вацлава;
Месца вучобы	Гданьскі ўнівэрсытэт[d];
Занятак	эканамістка
Навуковая сфэра	эканаміст[d]
Месца працы	Марскі інстытут[d];
Дзеці	Марта Качынская[d]
	Марыя Качынская ў Вікісховішчы

Мары́я Геле́на Качы́нская (Мацке́віч) (па-польску: Maria Helena Kaczyńska; 21 жніўня 1942^[2]^[3], лясьніцтва Махава^[4]^[5] каля Кабыльніку (цяпер Мядзельскі раён) — 10 красавіка 2010, каля Смаленску) — польская эканамістка і грамадзкая дзяячка, жонка 8-га прэзыдэнта Польшчы Леха Качынскага.

Біяграфія

Нарадзілася 21 жніўня 1942 на акупаванай фашыстоўскай Нямеччынай Віленшчыне (цяпер Мядзельскі раён Беларусі) ў сям’і Часлава і Лідыі Мацкевічаў. Бацька Часлаў Мацкевіч (1910—1976) — лясьнічы, маці Лідыя Мацкевіч (у дзявоцтве Пішчака) (1916—2004) — настаўніца, ураджэнка Петраграду.

Пасьля заканчэньня вайны пераехала ў ПНР. Жыла ў лесьнічоўцы Нова Брда на Кашубах, пазьней пераехала з бацькамі ў Рабку на поўдні Польшчы, дзе атрымала першую школьную адукацыю. Потым пераехала ў Сопат, дзе атрымала адукацыю ў сфэры эканомікі транспарту і зьнешняга гандлю. Па завершаньні навучаньня (1966) працавала ў Марскім інстытуце ў Гданьску, дзе пазнаёмілася з будучым мужам Лехам Качынскім. У 1978 годзе Марыя і Лех ажаніліся, а ў 1980 годзе — у іх нарадзілася дачка Марта.

З 2005 году выконвала актыўную ролю перадусім у дабрачыннай дзейнасьці. Прадстаўляла Польшчу на форуме ЮНІСЭФ, працавала на карысьць Цэнтру здароўя дзіцяці. У 2009 годзе ўдзельнічала ў Кангрэсе польскіх жанчын.^[6]

Валодала ангельскай, гішпанскай і расейскай мовамі. У 2008 годзе ў яе гонар назвалі адмену цюльпана ^[7]^[8].

Загінула разам з мужам у авіякатастрофе пад Смаленскам.

Узнагароды

Вялікі крыжа ордэна Адраджэньня Польшчы (16 красавіка 2010 году, пасьмертна) ^[9].
Вялікі крыж ордэна Вітаўта Вялікага (2009) ^[10].
Вялікі крыж ордэн Інфанта Генрыка (2008)^[11].

Крыніцы

^ ^а ^б https://www.prezydent.pl/kancelaria/archiwum/archiwum-lecha-kaczynskiego/pierwsza-dama/biografia
^ Катастрофа ТУ-154 в Смоленске: список погибших
^ МЧС :: Список погибших в авиакатастрофе Ту-154 в Смоленской области
^ Pierwsza Dama/Para prezydencka
^ Zostanę sobą — W świecie kobiet — Magazyn — Styl.pl — Twoja inspiracja
^ Яны загінулі пад Катыньню // Радыё Свабода, 12 красавіка 2010
^ Prezydencki tulipan, Metro, nr 1811/2010, s.5, ISSN 1642-8684 (пол.)
^ фатаграфія(недаступная спасылка)
^ Komunikat Nr 163/VI kad. (пол.)
^ Apdovanotų asmenų duomenų bazė // Lietuvos Respublikos Prezidentė (лет.)
^ Указ о награждении (парт.)

[_edb02a2d28561069-1] а ^б https://www.prezydent.pl/kancelaria/archiwum/archiwum-lecha-kaczynskiego/pierwsza-dama/biografia

[2] Катастрофа ТУ-154 в Смоленске: список погибших

[3] МЧС :: Список погибших в авиакатастрофе Ту-154 в Смоленской области

[4] Pierwsza Dama/Para prezydencka

[5] Zostanę sobą — W świecie kobiet — Magazyn — Styl.pl — Twoja inspiracja

[6] Яны загінулі пад Катыньню // Радыё Свабода, 12 красавіка 2010

[7] Prezydencki tulipan, Metro, nr 1811/2010, s.5, ISSN 1642-8684 (пол.)

[8] фатаграфія(недаступная спасылка)

[9] Komunikat Nr 163/VI kad. (пол.)

[10] Apdovanotų asmenų duomenų bazė // Lietuvos Respublikos Prezidentė (лет.)

[11] Указ о награждении (парт.)

[1]

[2]

[3]

[4]

[5]

[6]

[7]

[8]

[9]

[10]

[11]