Марына Лявіцкая
| Марына Лявіцкая | |
| Marina Lewycka | |
.jpg) | |
| Асабістыя зьвесткі | |
|---|---|
| Нарадзілася | 1946 Кіль
|
| Літаратурная дзейнасьць | |
| Род дзейнасьці | празаік |
| Гады творчасьці | 2005 — цяпер |
| Кірунак | сацыяльная сатыра |
| Жанр | раман |
| Мова | ангельская |
| Значныя творы | «Кароткая гісторыя трактароў па-ўкраінску» |
| Прэміі | прэмія Болінгер Эўрымэн Ўудгаўза |
| Узнагароды | |
| http://marinalewycka.com/ | |
Мары́на Мікала́еўна Ляві́цкая (па-ангельску: Marina Lewycka, па-ўкраінску: Марина Левицька;нар.1946, Кіль, Нямеччына) — брытанская пісьменьніца ўкраінскага паходжаньня. У 2005 року ейны дэбютны раман «Кароткая гісторыя трактароў па-ўкраінску» (анг. A Short History of Tractors in Ukrainian) стаў міжнародным бэстсэлерам і здабыў некалькі ўзнагародаў.
Жыцьцяпіс
[рэдагаваць | рэдагаваць крыніцу]Марына Лявіцкая нарадзілася ў лягеры для ўцекачоў у Нямеччыне пасьля Другой сусьветнай вайны; пазьней пераехала зь сям’ёю ў Ангельшчыну. Скончыла Кілскі ўнівэрсытэт са ступеньню бакаляўра ангельскай мовы і філязофіі (1968) і ўнівэрсытэт Ёрку са ступеньню бакаляўра філязофіі па ангельскай літаратуры (1969)[1]. Працавала дацэнтам ва ўнівэрсытэце Шэфілд Галам у галіне навуковых дасьледаваньняў сродкаў масавай інфармацыі і камунікацыяў[2].
З сакавіка 2012 року — на пэнсіі. Пражывае ў Шэфілдзе.
Творчасьць
[рэдагаваць | рэдагаваць крыніцу]У 2005 року зьявіўся раман «Кароткая гісторыя трактароў па-ўкраінску», які стаў бэстсэлерам і здабыў нізку літаратурных узнагародаў: прэмію Ўудгаўза на Гэйскім фэстывалі, узнагароду Вэйвэртан-Ґуд-Рыд 2005/6 і намінацыю на прэмію «Оранж».
«Кароткая гісторыя трактароў па-ўкраінску» — сатырычны раман, напісаны ў жанры чорнага гумару, у якім вядзецца пра гісторыю і побыт украінскіх эмігрантаў у Ангельшчыне. Раман перакладзены на 8 эўрапейскіх моваў.
Другі раман пісьменніцы «Два фургоны» (анг. Two Caravans) пабачыў сьвет у лютым 2007 року ў Вялікабрытаніі. У ЗША выйшаў у жніўні таго ж року пад назваю «Сунічныя палі» (анг. Strawberry Fields). Гэты раман — працяг першага.
Акрамя мастацкае літаратуры, Марына Лявіцкая выдала 10 кніг-дапаможнікаў па доглядзе за хворымі й сталымі людзьмі.
Крыніцы
[рэдагаваць | рэдагаваць крыніцу]- ^ From Tractors to Caravans // Grapevine. — Alumni Office, University of York. — В. Autumn 2007. — С. 17.
- ^ Best-selling book would not exist without master’s course (анг.). Sheffield Hallam University (2012-03-14). Архіўная копія ад 2013-07-25 г.
Літаратура
[рэдагаваць | рэдагаваць крыніцу]- Абліцов В. Г. Левицька Марина // Український Все-Світ. — Т. 1. — К.: КИТ, 2011. — С. 271—272.
- «Трактори» з невдалої історії не по-українськи. Критика російського перекладу роману «Краткая история тракторов по-украински» (артыкул Зьмітра Драздоўскага)
- Нарівська В. Пасторально-ідилічне переживання світу (про роман М. Левицької «Коротка історія тракторів по-українськи») // Літературна компаративістика. — Вип. І. — Ч. ІІ. — К.: ВД «Стилос», 2011. — С. 258—273.
- Пиркало Світлана. Марина Левицька: «Чомусь існує очікування, що українські автори мають бути страшенно серйозними». Розмова письменника з перекладачем (укр.) // «Україна Молода», № 032 за 20 лютага 2009
- Українська діаспора: літературні постаті, твори, біобібліографічні відомості / Упорядк. В. А. Просалової. — Донецьк: Східний видавничий дім, 2012. — 516 с.
Вонкавыя спасылкі
[рэдагаваць | рэдагаваць крыніцу]- «Коротка історія тракторів по-українськи» отримала премію Вудхауза (укр.) (артыкул Сьвятланы Пыркала)
- Марина Левицька вперше їде до України (укр.) (інтэрвію Сьвятланы Пыркала)
- «Better Late Than Never». Interview by Stephen Moss, The Guardian, 31 May 2007. (анг.)
- Interview with Marina Lewycka (анг.)