Марк Шайфлі
| Марк Шайфлі | ||
|---|---|---|
| ||
| Рост | 191 см | |
| Вага | 94 кг | |
| Пазыцыя | цэнтральны нападнік | |
| Кідок/Ловы | правы[d] | |
| Грамадзянства | ||
| Дата нараджэньня | 15 сакавіка 1993[1] (31 год) | |
| Месца нараджэньня | ||
| Клюб | Вініпэг Джэтс | |
| Драфт НХЛ | 7, 2011 Вініпэг Джэтс | |
| Гульнявая кар’ера | 2011 — цяпер | |
Марк Ша́йфлі (па-ангельску: Mark Scheifele; нар. 15 сакавіка 1993 году) — канадзкі хакеіст, цэнтральны нападнік клюбу «Вініпэг Джэтс» з Нацыянальнай хакейнай лігі. У 2011 годзе быў абраны на драфце НХЛ клюбам «Вініпэг Джэтс» у першым раўндзе пад агульным 7-м нумарам.
Кар’ера
[рэдагаваць | рэдагаваць крыніцу]Шайфлі прайшоў праз хакейную лігу Антарыё. У 2011 годзе быў абраны на драфце НХЛ клюбам «Вініпэг Джэтс» пад 7-м нумарам. Хакеіст рыхтаваўся да сэзону ў трэнавальным лягеры клюбу, дзе браў удзел у паказальных матчах[2]. Гулец абвесьціў, што будзе насіць швэдар з 55-м нумарам, паколькі ягоны улюбёны 19-м нумар быў заняты[3]. Падчас перадсэзоннай падрыхтоўкі ён забіў два галы і аддаў дзьве галявыя перадачы ў выставачнай гульні супраць «Каламбус Блю Джэкетс»[4]. 3 кастрычніка 2011 году «Джэтс» абвесьцілі, што яны з Шайфлі пагадніліся на кантракт пачаткоўца[5]. Канадзец запачаткаваў кар’еру ў НХЛ 6 кастрычніка 2011 году[6] ды адзначыўся першым голам у НХЛ 19 кастрычніка 2011 году ў матчы супраць «Таронта Мэйпл Ліфс»[7]. Згуляўшы ў сямі гульнях, ён вярнуўся ў клюбу «Бары Колтс» з хакейнай лігі Антарыё[8].
Правёўшы некалькі сэзонаў у розных клюбах зь мінорных лігаў, Шайфлі своё першы поўны сэзон НХЛ згуляў толькі ў 2013—2014 гадах. Цягам усяго свайго часу знаходжаньня ў «Джэтс» канадзец быў адным зь лідэраў у атацы і ў распранальні. У сэзоне 2015—2016 гадоў хакеіст упершыню ў прафэсійнай кар’еры перавысіў адзнаку ў 20 галоў за сэзон і зьдзейсьніў свой першы хет-трык у НХЛ. У выніку ён завяршыў рэгулярны сезон з рэкордам за кар’еру ў 61 пункт за 71 гульню і стаў лідэрам каманды паводле колькасьці галоў. У наступных сэзонах паказьнікі толькі паляпшаліся. У рэгулярным сэзоне 2018—2019 гадоў Шайфлі зарабіў за сэзон 84 пункты.
Крыніцы
[рэдагаваць | рэдагаваць крыніцу]- ^ а б https://www.iihf.com/en/events/2017/wm/teams/roster/45638/canada/ — Міжнародная фэдэрацыя хакею на лёдзе.
- ^ «155 OHL Players Attending 2011-12 NHL Training Camps». Kitchener Ranger.
- ^ «Scheifele to wear No. 55 for Jets». CBC.
- ^ «Jets skate to victory in return to Winnipeg». The Sports Network.
- ^ «Jets agree to terms with Mark Scheifele». NHL.
- ^ «Scheifele’s family excited about his NHL debut». The Record.
- ^ «Scheifele gets first NHL goal». The Record.
- ^ «Jets re-assign Scheifele to Barrie of OHL». Sportsnet.