Марк Манэ

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Мардэхай Цьві Манэ
па-габрэйску: מרדכי צבי מאנה
на ідышы: מרדכי צבי מאנע
Mordechai Zvi Mane. M. Garfein.jpg
Асабістыя зьвесткі
Імя пры нараджэньні Марк Маісеевіч Манэ
Псэўданімы Ха-Мэцаер
Нарадзіўся 1859[1][2]
Радашкавічы, Вялейскі павет, Віленская губэрня, Расейская імпэрыя
Памёр 1886[1][2]
Радашкавічы, Вялейскі павет, Віленская губэрня, Расейская імпэрыя
Літаратурная дзейнасьць
Род дзейнасьці празаік, паэт-лірык, мастак
Мова іўрыт

Марк Манэ, Мардэхай Цьві Манэ (1859, Радашкавічы, Віленская губэрня, Расейская імпэрыя, цяпер Маладэчанскі раён — 1886, Радашкавічы) — беларуска-габрэйскі пісьменьнік, паэт-лірык, мастак. Пісаў на іўрыце.

Біяграфія[рэдагаваць | рэдагаваць крыніцу]

Нарадзіўся ў сям’і беднага мэламэда. Атрымаў традыцыйную габрэйскую рэлігійную адукацыю. Калі Манэ мінула 13 гадоў, бацька адправіў яго ў Менск для паступленьня ў адну зь мясцовых ешываў. Бацькі, выявіўшы яго здольнасьці да маляваньня, адправілі без усялякіх сродкаў у Вільню, дзе знаходзілася мастацкая школа. Знаходзячыся ў Вільне самастойна вывучыў расейскую й нямецкую мовы і агульныя навукі. Скончыўшы мастацкую школу ў 1880 годзе, паехаў у Санкт-Пецярбург, дзе быў прыняты ў Акадэмію мастацтваў. У годы вучобы публікаваў вершы (пісаў пад псэўданімам Ха-Мэцаер), мастацтвазнаўчыя й літаратуразнаўчыя артыкулы ў выданьнях на іўрыце: «Гамэліц» і «Ха-Цэфіра». З 1884 году жыў у Варшаве. У 1884 зьявіліся першыя сымптомы фатальнай хваробы — сухотаў. Вярнуўся на радзіму, дзе ў 1886 годзе памёр. У 1896 годзе выдавецтва Тушыя выпусьціла поўны збор складаньняў у дзьвюх частках.

Яго імем названыя вуліцы ў Тэль-Авіве, Хайфе і Рамат-Гане.

Вонкавыя спасылкі[рэдагаваць | рэдагаваць крыніцу]

Commons-logo.svg Марк Манэсховішча мультымэдыйных матэрыялаў

  • ^ а б Faceted Application of Subject Terminology
  • ^ а б LIBRIS