Максім Салаш

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Максім Салаш
«Цмокі-Менск» — №7
Форвард
Рост: 206 см
Грамадзянства: Беларусь
Дата нараджэньня: 6 траўня 1996 (23 гады)
Беларусь
Клюбная кар’ера
  • Дзяржаўны сьцяг Беларусі Цмокі-Менск-2 (2012)
  • Сьцяг Гішпаніі Кахасоль (Spain-EBA) (2013—2014)
  • Сьцяг Гішпаніі Уэска (Spain-LEB Oro) (2014-2015)
  • Сьцяг Гішпаніі Арэнсэ (Spain-LEB Oro) (2015-2016)
  • Сьцяг Польшчы Кутна (Poland-TBL) (2016-2017)
  • Дзяржаўны сьцяг Беларусі Цмокі-Менск (2017—2018)
  • Сьцяг Эстоніі Калеў (2018—дасюль)
Асабістыя ўзнагароды і дасягненьні
Мэдалі

Максім Салаш (нар. 6 траўня 1996 г.) — беларускі баскетбаліст. Выступае за нацыянальную зборную Беларусі і беларускі клюб «Цмокі-Менск». Амплюа — форвард.

Жыцьцяпіс[рэдагаваць | рэдагаваць крыніцу]

Пачаў прафэсійную кар’еру ў 16 гадоў: ён дэбютаваў за «Цмокі-2» у чэмпіянаце Беларусі ў сэзоне 2012/13 і ў 7 матчах набіраў у сярэднім 2.3 ачка і 2.4 падбора. У тым жа сэзоне форвард перайшоў у гішпанскую «Кахасоль», дзе адыграў да канца чэмпіянату 2013/14.

Улетку 2014-га Салаш перайшоў у клюб «Уэска», што выступаў у другім дывізіёне Гішпаніі. Там беларус правёў 28 матчаў, набіраючы 7 ачкоў і 4.1 падбора ў сярэднім.

У 2015-м годзе малады форвард працягнуў кар’еру ў «Арэнсэ», які таксама змагаўся ў другой па сіле лізе Гішпаніі. Там адыграў 35 матчаў, выходзячы ў стартавым складзе і дапамагаючы камандзе 6.1 ачка і 4.4 падбора пры 48% рэалізацыі з гульні.

Пасьля трох сэзонаў у Гішпаніі пераехаў у Польшчу, дзе за «Кутна» правёў 22 сустрэчы ў чэмпіянаце Польшчы. У актыве форварда — 4.5 ачка і 3.2 падбора ў сярэднім за 14 хвілін на пляцоўцы.

У сэзоне 2017/18 Максім Гуляў за Цмокі-Менск, правёў 24 матчы ў чэмпіянаце Адзінай Лігі ВТБ, набіраючы ў сярэднім 4.5 ачка і зьдзяйсьняючы 3.2 падборы пры 14 хвілінах на паркеце. У Кубку ФІБА-Эўропа форвард правёў 14 гульняў зь сярэдняй статыстыкай 5 ачкоў і 2.0 падборы за 14.6 хвілін.

У 2018/2019 прыняў прапанову эстонскага «Калева»[1].

Максім Салаш актыўна прыцягваўся ў моладзевыя зборныя Беларусі, а ўлетку 2016-га быў выкліканы на збор нацыянальнай каманды і ўзяў удзел у кваліфікацыі Эўрабаскету-2017. Згуляў супраць Баўгарыі і Партугаліі ў прэ-кваліфікацыі чэмпіянату сьвету-2019, набіраючы па 2.5 ачка за матч[2].

Дасягненьні[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]