Лявон Шырын

	Лявон Шырын
Асабістыя зьвесткі
Нарадзіўся	1 студзеня 1930; Працавічы, Кіраўскі сельсавет, Слуцкі раён, Бабруйская акруга, БССР, СССР;
Памёр	14 траўня 1994 (64 гады)
Літаратурная дзейнасьць
Род дзейнасьці	паэт

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Шырын.

Лявон Шырын (1 студзеня 1930, в. Працавічы, Слуцкі раён — 14 траўня 1994) — беларускі дзіцячы пісьменьнік, паэт.

Вучыўся завочна ў Слуцкай, потым у Менскай пэдагагічнай вучэльні (скончыў у 1954 годзе). У 1951-1957 гг. выкладаў маляваньне, чарчэньне, замежную мову, беларускую мову і літаратуру ў школах Любанскага раёну (в. Таль, Асавец, п. Барыкоў, г. Любань). Завочна скончыў беларускае аддзяленьне філялягічнага факультэту Беларускага дзяржаўнага ўнівэрсітэту (1962). З 1957 году — загадчык аддзелу рэдакцыі старобінскай раённай газэты «Савецкі патрыёт». З 1958 году — загадчык Старобінскага раённага пэдкабінэту, з 1960 году — дырэктар Жабінскай васьмігадовай школы, з 1962 году — загадчык аддзелу народнай асьветы Старобінскага райсавету, з 1963 году — дырэктар Жабінскай сярэдняй школы. У 1968-1982 гг. — намесьнік дырэктара па вучэбна-выхаваўчай рабоце Салігорскай завочнай сярэдняй школы. З красавіка 1982 году — дырэктар Мяцявіцкай сярэдняй школы Салігорскага раёну. У 1982-1989 гг. — дырэктар Гоцкага вучэбна-вытворчага камбіната Салігорскага раёну. Сябра СП СССР з 1986 году^[1].

Творчасьць

Першы верш надрукаваны ў 1956 годзе ў любанскай раённай газэце «Кліч Радзімы». У абласным і рэспубліканскім друку выступаў з 1974 годзе. Аўтар гумарыстычных вершаў, сцэнароў перадачы «Калыханка» Беларускага тэлебачаньня (1982—1985) і інш.

Кнігі

1978 — «Мы дзеці шахцёраў», зборнік дзіцячых вершаў (кніжка-маляванка)
1980 — «Песьні ручая», зборнік дзіцячых вершаў
1989 — «Ясь, жалейка і вясна», зборнік дзіцячых вершаў

Крыніцы

^ Леанід Шырын, Салігорская раённая бібліятэка

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — ISBN 985-11-0295-4
Гурыновіч, Х. Песьні дзяцінству: рэц. на зборнік вершаў “Пеьсні ручая” Леаніда Шырына // Шахцёр. — 1981. — 3 лютага.
Маринич, О. Щедрость души — детям: 75-лет со дня рождения Л. Ширина // Салігорскі веснік. — 2005. — 27 студзеня. — С.13.
Мігун, Н. Шчасьлівай зоркі самародкі / Ніна Мігун // Строитель Солигорска. — 2015. — 23 января. — С.5.
Шырын Лявон // Беларускія пісьменьнікі (1917-1990): даведнік / склад. А.К. Гардзіцкі. — Менск: Маст. літ., 1994. –С.619.
Шырын Лявон // Беларускія пісьменьнікі: біябібліягр. слоўн.: У 6 т./ пад рэд.А.В. Мальдзіса. — Менск: БелЭН, 1993. — Т.6. — С.434-435.
Шырын Лявон// Энцыкляпэдыя літаратуры і мастацтва Беларусі: У 5 т. / Рэдкал.: І.П.Шамякін і інш. — Менск: Беларус. Сав. Энцыклапедыя, 1987. –Т.5. — С. 610.
Шырын Лявон: літаратурныя мясьціны Беларусі. Салігорскі раён // Маладосць. — 2012. – №3. — С.122–124.
Шырын Леанід Іванавіч: творчая біяграфія // Салігорскі веснік. – 1994. – 18 мая.
Шырын Леанід Іванавіч// Памяць: гіст.-дакум. хроніка Салігорскага раёна. — Менск, 2004. — С.502-503.
Шырын Леанід Іванавіч: творчая біяграфія // Салігорскі веснік. — 1994. — 18 мая.
На паэтычнай хвалі…: да 85-годдзя з дня нараджэньня Леаніда Шырына: інфармацыйны буклет /Даведачна-бібліяграфічная служба; склад. Засінец Н.С., Марыніч В.А. — Салігорск, Салігорская РЦБ, 2015. — 4с.
Ярмалінская, Н. Пясьняр дзіцячай душы: 75 гадоў з дня нараджэньня паэта Л Шырына /Н. Ярмалінская //Шахцёр. – 2005. – 7 студзеня. — С. 2.

[1] Леанід Шырын, Салігорская раённая бібліятэка

[1]