Люка Пачолі

Зьвесткі зь Вікіпэдыі — вольнай энцыкляпэдыі
Люка Пачолі
Luca Pacioli
Pacioli.jpg
Пачолі (у цэнтры) дэманструе тэарэму Эўкліда, карціна невядомага мастака, але, магчыма, што Якопа дэ Барбары
Дата нараджэньня не раней за кастрычнік 1446 і не пазьней за кастрычнік 1448[1]
Месца нараджэньня Сан-Сэполькра, Флярэнтыйская рэспубліка
Дата сьмерці не раней за 15 красавіка 1517 і не пазьней за 20 кастрычніка 1517[1]
Месца сьмерці Сан-Сэполькра, Флярэнтыйская рэспубліка
Занятак манах жабрацкага ордэна, матэматык, эканаміст, бугальтар, прафэсар унівэрсытэту, вынаходнік, прэсьбітар
Навуковая сфэра матэматыка, тэалёгія
Месца працы унівэрсытэт Пэруджы, Мілянскі ўнівэрсытэт
Вядомы як адзін з заснавальнікаў сучасных прынцыпаў бухгальтэрыі

Фра Люка Барталямэо дэ Пачолі (па-італьянску: Fra Luca Bartolomeo de Pacioli; каля 1445, Сан-Сэполькра19 чэрвеня 1517, Сан-Сэполькра) — італьянскі манах, матэматык, заснавальнік прынцыпаў сучаснага бухгальтарскага ўліку.

Біяграфія[рэдагаваць | рэдагаваць крыніцу]

Пачолі нарадзіўся каля 1445 году ў італьянскім мястэчку Сан-Сэполькра ў правінцыі Арэцца. У дзяцінстве ён дапамагаў у справаводзтве купцу Фолька дэ Бэльфольччы, вучыўся ў майстэрні П’ера дэля Франчэска. У 1470 годзе ўступіў у брацтва манахаў-францысканцаў.

У 1494 годзе апублікаваў сваю працу па матэматыцы пад назвай «Сума арытмэтыкі, геамэтрыі, дробаў, прапорцыяў і прапарцыйнасьці» (італ. Summa di arithmetica, geometrica, proportione et proportionalita). Адзін з разьдзелаў, які завецца «Трактат аб вылічэньнях і запісах» ({мова-it|Tractatus de computis et scripturis|скарочана}}), утрымлівае фармулёўкі асноўных прынцыпаў сучаснага бухгальтарскага ўліку, як то падвойны запіс, дэбэт, крэдыт, балянс і іншыя паняткі.

У 1497 годзе паводле запрашэньня Лядавіка Сфорца пераехаў у Мілян, дзе пазнаёміўся зь Леанарда да Вінчы.

У 1509 годзе Люка выпусьціў трактат «Аб боскай прапорцыі», у якім разьвіў тэорыю да Вінчы аб пабудове гарманічнага шрыфту. Літары Пачолі будаваліся ў квадраце з праведзенымі дыяганалямі й з упісанай акружынай; таўшчыня асноўнага штрыху кожнай літары была роўнай дзясятай частцы вышыні квадрата, а злучальны штрых быў у два разы танчэйшы за асноўны. Абавязковай умовай выкананьня шрыфту была дакладнасьць будовы й руплівасьць вымалёўваньня кожнага элемэнту літары, бо ўсе акруглыя элемэнты штрыху абавязкова былі цыркулёвымі. Шрыфт Пачолі строга тэхнічны й прыгожы, але да пэўнай ступені аднастайны й манатонны[2].

Крыніцы[рэдагаваць | рэдагаваць крыніцу]

  1. ^ а б Teodoro F. P. D. PACIOLI, Luca // Dizionario Biografico degli Italiani (італ.) — 2014. — Vol. 80.
  2. ^ Г. Ф. Кликушин «Шрифты: Для художников-оформителей». — Мн.: «Полымя», 1980. — 320 с.

Вонкавыя спасылкі[рэдагаваць | рэдагаваць крыніцу]

Commons-logo.svg Люка Пачолісховішча мультымэдыйных матэрыялаў