Людвік Станіслаў Фадзей Акінчыц

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Людвік Акінчыц
Род дзейнасьці лекар
Дата нараджэньня 2 траўня 1835
Месца нараджэньня Сьцяг Расеі Гарадзенская губэрня
Дата сьмерці 15 красавіка 1903
Месца сьмерці Сьцяг Расеі Кунгур
Месца пахаваньня Перм
Занятак лекар
Вікіпэдыя мае артыкулы пра іншых асобаў з прозьвішчам Акінчыц.

Лю́двік Станісла́ў Фадзе́й Акі́нчыц (2 траўня 1835, Гарадзенская губэрня15 красавіка 1903[1], Кунгур) — лекар, удзельнік паўстаньня 1863 року. Брат Станіслава і Фэлікса.

Жыцьцяпіс[рэдагаваць | рэдагаваць крыніцу]

Нарадзіўся ў Гарадзенскай губэрні. Паляк, каталіцкага вызнаньня[2].

Скончыў мэдычны факультэт Імпэратарскага ўнівэрсытэту ў Маскве (1862). Жыў і займаўся лекарскай практыкай у Сьвіслачы Ваўкавыскага павету Гарадзенскай губэрні.

25 чэрвеня 1863 року арыштаваны «за садзейнічаньне паўстаньню»[3] і прыгавораны да ссылкі. Пакараньне адбываў у Кунгуры на Ўрале.

Працаваў земскім урачом, стаў адным з заснавальнікаў курортнай мэдыцыны. За асаблівыя заслугі ў 1886 року ўзнагароджаны ордэнам сьвятога Станіслава 3-й ступені.

Памёр у 1903 року, пахаваны ў Пярмі на Егашынскіх («польскіх») могілках.

Сын Людвік Акінчыц (1874—1941) — вядомы расейскі і савецкі хірург-гінэколяг, эндакрыноляг.

Крыніцы[рэдагаваць | рэдагаваць крыніцу]

  1. ^ german-osipovich. (30 жніўня 2010) Окинчиц Людвиг(рас.) Яндекс. Фотки. ЯндексПраверана 17 лютага 2013 г.
  2. ^ Наталья Токарева. (12 красавіка 2012) Поляки в истории сельских и заводских поселений(рас.). Суксунский музей. Праверана 17 лютага 2013 г.
  3. ^ Алесь Смалянчук. Гарадзенскія «мяцежнікі» // ARCHE. — 2010. — № 12. — С. 174—185.

Літаратура[рэдагаваць | рэдагаваць крыніцу]

  • Натальля Пракаповіч. Паўстанцкі лекар // Раённыя будні. — 13 лютага 2013. — № 12 (9557). — С. 5.