Леэўвардэн

Леэўвардэн
нід. *Leeuwarden*
	Леэўвардэн; нід. Leeuwarden
	Населены пункт
	Царква Сьвятога Баніфацыюса
Сьцяг	Герб
Краіна	Нідэрлянды
Правінцыя	Фрысьлянд
Дата заснаваньня	1435
Геаграфія
Плошча	170,23 км²
Вышыня НУМ	8 м
Часавы пас	UTC+1
Каардынаты	53°12′ пн. ш. 5°48′ у. д.HGЯO
Насельніцтва
Колькасьць	108 668 чал. (2018)
Этнахаронімы	Leeuwarder
Лічбавыя ідэнтыфікатары
Тэлефонны код	058
Паштовы індэкс	8900–8939 і 8900
Узнагароды	Культурная сталіца Эўропы (2018)
Сайт	leeuwarden.nl
	Леэўвардэн на мапе Нідэрляндаў Леэўвардэн

Леэўвардэн (па-нідэрляндзку: Leeuwarden, па-фрыску: Liwwadden, Ljouwert) — горад у Нідэрляндах, адміністрацыйны цэнтар правінцыі Фрысьлянд. Насельніцтва на 2018 год — 108 668 чалавек.

Леэўвардэн, разам са сталіцай Мальты Валетай, быў абраны Культурнай сталіцай Эўропы 2018 году^[2].

Гісторыя

Мясцовасьць, дзе разьмешчаны цяперашні Леэўвардэн, была заселеная з X стагодзьдзя (хоць нядаўна выяўленыя астаткі пабудоваў, датаваных II стагодзьдзем). Пазьней на гэтым месцы існавалі тры вёскі: Ольдэнговэ, Нэеговэ і Гёк, якія ў XIV—XV стагодзьдзях былі аб’яднаныя ў паселішча, якое атрымала назву Леэўвардэн. У 1435 годзе Леэўвардэн атрымаў гарадзкія прывілеі і быў важным гандлёвым цэнтрам. У 1498 годзе Фрысьлянд становіцца часткай уладаньняў герцага Альбрэхта Саксонскага, а Леэўвардэн — ягоным адміністрацыйным цэнтрам. З XVI стагодзьдзя горад у складзе Рэспублікі Злучаных Правінцыяў, Фрысьляндам кіруе свой штатгальтэр. Росквіт гораду прыйшоўся на час кіраваньня ў якасьці штатгальтэру прынцэсы Марыі-Люізы Гэсэн-Касэльскай. Сабраную ёй калекцыю парцаляны цяпер можна пабачыць у мясцовым музэі Прынцэсэгоф.

Праведзеная ў 1868 годзе чыгунка надала новы штуршок разьвіцьцю гораду. Падчас Другой сусьветнай вайны, з 1940 да 15 красавіка 1945 году, Леэўвардэн быў акупаваны немцамі.