Леград

Зьвесткі зь Вікіпэдыі — вольнай энцыкляпэдыі
Леград
Краіна: Харватыя
Плошча:
  • 62,2 км²[1]
  • 33,5 км²[1]
Насельніцтва: 1916 чал.
Паштовы індэкс: 48317
Геаграфічныя каардынаты: 46°18′0″ пн. ш. 16°52′0″ у. д. / 46.3° пн. ш. 16.86667° у. д. / 46.3; 16.86667Каардынаты: 46°18′0″ пн. ш. 16°52′0″ у. д. / 46.3° пн. ш. 16.86667° у. д. / 46.3; 16.86667
Леград на мапе Харватыі
Леград
Леград
Леград
Галерэя здымкаў у Вікісховішчы
https://www.opcinalegrad.hr/

Ле́град (па-харвацку: Legrad) — грамада ў Капрыўніцка-Крыжэвацкай жупаніі Харватыі. Насельніцтва — 1916 чалавек (2021).

Геаграфія[рэдагаваць | рэдагаваць крыніцу]

Леград знаходзіцца за 18 км на поўнач ад Капрыўніцы, на правым беразе ракі Дравы, пры мяжы з Вугоршчынай.

У складзе грамады — цэнтар у аднайменнай вёсцы(d) і яшчэ 6 вёсак.

Мінуўшчына[рэдагаваць | рэдагаваць крыніцу]

Першыя згадкі пра Леград у пісьмовых крыніцах датаваныя 1384 рокам. Дзякуючы ўдаламу геаграфічнаму разьмяшчэньню Леград у 1488 року стаў хартыйным рынкавым местам. У 1577—1579 і 1600 року трапляў пад асманскую ўладу.

З пачатку XVI стагодзьдзя — уласнасьць роду Зрынскіх, у 1610 нададзены герб. У сярэдзіне XVI стагодзьдзя дзеля абароны ад асманскага нашэсьця ўзьведзеныя муры. У XVII стагодзьдзі Леград стаў значным гандлёвым пунктам па продажы скаціны, куды прыяжджалі гандляры з Вэнэцыі й Італіі. На заробленыя грошы Зрынскія далей ўмацоўвалі абарону і войска супраць асманаў.

У 1710 места зьнішчанае разводзьдзем Дравы, пасьля чаго перанесенае на вышэйшае месца. Дзякуючы разьвіцьцю гандлю і рамёстваў у 1771 Леград з вакольнымі вёскамі налічваў 6039 жыхароў. У 1769—1784 роках збудаваны барокавы касьцёл Найсьвяцейшай Тройцы.

У 1848—1861 роках уваходзіў у склад Харватыі, пасьля да 1918 року — у вугорскай жупаніі Зала(d).

У другой палове XIX стагодзьдзя па іншы бераг ракі Дравы паўстала чыгуначная станцыя Леград.

Транспарт[рэдагаваць | рэдагаваць крыніцу]

За два кілямэтры ад Леграду праходзіць шаша D20 Дрне — Прэлаг — Чакавэц.

Крыніцы[рэдагаваць | рэдагаваць крыніцу]