Леанід Лаўрэш

Леанід Лаўрэш
	Леанід Лаўрэш; лац. Leanid Łaŭreš
Дата нараджэньня	1 сакавіка 1963 (61 год)
Месца нараджэньня	Ліда, Гарадзенская вобласьць, БССР, СССР;
Месца вучобы	Беларускі політэхнічны інстытут (1985);
Занятак	краязнавец, пісьменьнік
Навуковая сфэра	рэгіянальная гісторыя[d] і гісторыя прыродазнаўчых навук[d]

Леанід Лявонцьевіч Ла́ўрэш (нар. 1 сакавіка 1963 году, Ліда) — беларускі краязнаўца, гісторык і пісьменьнік. Аўтар працаў з гісторыі Ліды і Лідчыны, грунтаваных на гістарычных крыніцах, аўтарытэтных дасьледаваньнях і створаных згодна з прынцыпамі прафэсійнага варштата гісторыка^[2]. Сябра Саюзу беларускіх пісьменьнікаў (2017).

Біяграфія[рэдагаваць | рэдагаваць крыніцу]

Скончыў электратэхнічны факультэт Беларускага політэхнічнага інстытута (1985 год). У 1999 годзе стварыў гістарычна-краязнаўчы сайт pawet.net.

Навуковая дзейнасьць[рэдагаваць | рэдагаваць крыніцу]

Сфера навуковых інтарэсаў — мікрагісторыя і рэгіяналістыка, гісторыя Ліды і Лідчыны (ад першабытнасьці да 1939 году) і іх месца ў эўрапейскім гістарычным кантэксьце, канфэсійная гісторыя эпохі Вялікага Княства Літоўскага і яе помнікі на Лідчыне, біяграфістыка вядомых ураджэнцаў і малавядомыя імёны гістарычнай Лідчыны, крыніцы рэгіянальнай гісторыі, гісторыя астраноміі ў Беларусі^[3].

Публікуецца з 2000 году. Першыя артыкулы былі вынікам вандровак Лідчынай, у час якіх у вёсцы Ішчалне адшукаў дзейны сонечны гадзіньнік (адзіны вядомы ў Беларусі), а ў вёсцы Бабрах — раней неапісаны камень-сьледавік.

Быў удзельнікам творчага калектыву Гарадзенскага дзяржаўнага ўнівэрсытэту імя Янкі Купалы, які на заданьне Інстытуту гісторыі НАНБ выконваў навукова-дасьледчую работу з канфэсійнай гісторыі Беларусі XIX стагодзьдзя.

Асноўныя працы[рэдагаваць | рэдагаваць крыніцу]

Маламажэйкаўская царква: гістарычны нарыс. Горадня, 2017.
Вандалін Шукевіч: беларускі археолаг і краязнаўца. Менск, 2014.
«I зорнае неба над галавой…»: Нарысы з гісторыі астраноміі. Менск, 2013.
Ліда ўчора і сёння: гісторыя горада ў выявах. Ліда, 2013.
Грэка-каталіцкая (уніяцкая) Царква на Лідчыне. Полацак, 2012.

Ацэнкі[рэдагаваць | рэдагаваць крыніцу]

Паводле гісторыка Сьвятланы Марозавай, краязнаўчыя дасьледаваньні Леаніда Лаўрэша робяць значны ўнёсак у пашырэньне ведаў пра гісторыю Лідчыны, пазнаньне яе месца і значнасьці ў эўрапейскім гістарычным кантэксьце^[4].

Крыніцы[рэдагаваць | рэдагаваць крыніцу]

^ ^а ^б Laŭrèš, Leanìd Ljavoncevìč // Нацыянальная служба Чэскай рэспублікі
^ Сучасныя беларускія даследчыкі гісторыі Вялікага Княства Літоўскага: біябібліяграфічны даведнік / С. Марозаў. — Горадня — Каўнас, 2022. С. 146.
^ Сучасныя беларускія даследчыкі гісторыі Вялікага Княства Літоўскага: біябібліяграфічны даведнік / С. Марозаў. — Горадня — Каўнас, 2022. С. 147.
^ Марозава С. Сфера навуковых зацікаўленняў лідскага краязнаўца Леаніда Лаўрэша // Лідскі летапісец. № 1 (61), 2013. С. 24.

Вонкавыя спасылкі[рэдагаваць | рэдагаваць крыніцу]

Леанід Лаўрэш, Kamunikat.org

[_3db719bda264ec6b-1] а ^б Laŭrèš, Leanìd Ljavoncevìč // Нацыянальная служба Чэскай рэспублікі

[2] Сучасныя беларускія даследчыкі гісторыі Вялікага Княства Літоўскага: біябібліяграфічны даведнік / С. Марозаў. — Горадня — Каўнас, 2022. С. 146.

[3] Сучасныя беларускія даследчыкі гісторыі Вялікага Княства Літоўскага: біябібліяграфічны даведнік / С. Марозаў. — Горадня — Каўнас, 2022. С. 147.

[4] Марозава С. Сфера навуковых зацікаўленняў лідскага краязнаўца Леаніда Лаўрэша // Лідскі летапісец. № 1 (61), 2013. С. 24.

[1]

[2]

[3]

[4]