Гаўард Філіпс Лаўкрафт

Зьвесткі зь Вікіпэдыі — вольнай энцыкляпэдыі
(Перанакіравана з «Лаўкрафт»)
Перайсьці да навігацыі Перайсьці да пошуку
Гаўард Філіпс Лаўкрафт
Howard Phillips Lovecraft
Howard Phillips Lovecraft in 1915.jpg
Асабістыя зьвесткі
Нарадзіўся 20 жніўня 1890(1890-08-20)[1][2][3][4][5][6][7]
Провідэнс, ЗША
Памёр 15 сакавіка 1937(1937-03-15)[1][2][3][4][5][6][7] (46 гадоў)
Провідэнс, ЗША
Пахаваны Swan Point Cemetery[d][4]
Сужэнец Sonia Greene[d]
Літаратурная дзейнасьць
Род дзейнасьці пісьменьнік, паэт
Гады творчасьці 1897—1908, 1917—1936
Жанр містыка, лаўкрафтаўскія жахі
Мова ангельская мова[1]
Подпіс Lovecraft signature.svg
http://www.hplovecraft.com/

Гаўард Філіпс Лаўкрафт (па-ангельску: Howard Phillips Lovecraft; 20 жніўня 1890, Провідэнс, Род-Айлэнд, ЗША — 15 сакавіка 1937, там жа) — амэрыканскі паэт і пісьменьнік, які пісаў у жанрах жахаў, містыкі, спалучаючы іх у арыгінальным стылі. Першапачынальнік Мітаў Ктулху. Пры жыцьці Лаўкрафта яго творы не карысталіся вялікай папулярнасьцю, аднак ужо пасьля яго сьмерці яны аказалі прыкметны ўплыў на фармаваньне сучаснае масавае культуры. Яго творчасьць нагэтулькі ўнікальна, што творы Лаўкрафта вылучаюцца ў адасоблены паджанр — так званыя лаўкрафтаўскія жахі.

Біяграфія[рэдагаваць | рэдагаваць крыніцу]

Нарадзіўся 20 жніўня 1890 году ў Провідэнсе (Род-Айлэнд, ЗША). Бацька — Уілфрыд Скот Лаўкрафт, маці — Сара Сьюзан Філіпс Лаўкрафт. У 1893, калі Гаўарду было толькі тры гады, ягонага бацьку забралі ў псыхіятрычны шпіталь, дзе ён і памёр у 1898. Лаўкрафта выхоўвалі яго маці, дзьве цёткі (Ліліян Дэлора Філіпс і Эньні Эмілін Філіпс), а таксама дзядуля — Уіпл Ван Бюрэн Філіпс. Гаўарда лічылі вундэркіндам, з-за таго, што ва ўзросьце двух гадоў ён быў здольны чытаць вершы на памяць, а ў шэсьць пачаў пісаць свае ўласныя. Дзядуля заахвочваў ягоную прагу да навучаньня, а таксама абуджаў у маладым Гаўардзе зацікаўленасьць да невядомага, распавядаючы свае гатычныя показкі.

У дзяцінстве Гаўард часта хварэў, з-за чаго ён пайшоў у школу толькі ў васьмігадовым узросьце. Праз год яго забіраюць са школы. У гэты пэрыяд Гаўард шмат чытае, асабліва захапляецца хіміяй і астраноміяй. Выдае абмежаваным накладам некалькі працаў (сярод якіх «Навуковая газэта» ў 1899). Праз чатыры гады Лаўкрафт вяртаецца ў школу. У 1904 памірае дзядуля і сям’я Гаўарда пераяжджае ў меншы дом на гэткай ж самай вуліцы. Сьмерць дзядулі прынесла Гаўарду шмат пакутаў. З-за гэтага ён нават думае пра самазабойства. У 1908, напярэдадні выпуску са школы, у яго адбываецца нэрвовы зрыў і ён так і не атрымоўвае дыплём.

Гаўард напісаў колькі фантастычных твораў у маладосьці, але з 1908 па 1913 займаецца пераважна паэзыяй. Пазьней да 1917 году піша вершы і эсэ, а ў 1917 вяртаецца да жанру жахаў у сваіх аповедах «Даган» і «Магіла». «Даган» быў ягоным першым прафэсійна апавяданьнем, надрукаваным у часопісе «Weird Tales» у 1923. У 1919, пасьля доўгіх прыступаў гістэрыі і дэпрэсіі маці Лаўкрафта забіраюць у псыхіятрычны шпіталь, дзе яна памірае 21 траўня 1921.

У 1924 Лаўкрафт ажаніўся з Соняй Грын, якая была на сем гадоў за яго старэйшая. Пасьля вясельля, Гаўард пераехаў у Бруклін. Празь некалькі год з-за матэрыяльных цяжкасьцей ягоная жонка была вымушаная прадаць сваю краму капелюшоў і пераехаць у Кліўлэнд. Лаўкрафт застаўся ў Нью-Ёрку. Яшчэ празь некаторы час яны дамовіліся пра развод (які так і ня быў аформлены юрыдычна) і Гаўард вярнуўся ў Провідэнс, дзе і жыў да 1933. У гэты пэрыяд Лаўкрафт напісаў амаль усе яго вядомыя кароткія аповеды, а таксама некаторыя буйныя творы накшталт «Выпадка Чарльза Дэкстэра Варда» і «Гораў вар’яцтва». Таксама пісаў за іншых аўтараў («Крылатая сьмерць», «Дзёньнік Алонза Тайпэра» і г. д.) Нягледзячы на свой талент, Гаўард станавіўся ўсё больш і больш бедным. Ягоныя творы ня мелі вялікае папулярнасьці. Ён быў зноўку вымушаны пераехаць у маленькі домік са сваёй цёткай. Гаўарда моцна ўразіла самазабойства ягонага сябра па перапісцы Робэрта Гаўарда.

У 1936 у Лаўкрафта знайшлі рак страўніка. 15 сакавіка 1937, у Провідэнсе, ён памёр.

Сучаснасьць[рэдагаваць | рэдагаваць крыніцу]

Напрыканцы XX ст. творы Лаўкрафта набылі вялікую папулярнасьць. Шматлікія гурты (пераважна мэталёвай накіраванасьці) выкарыстоўвалі тэмы зь ягоных твораў у сваіх песьнях. Было зьнята некалькі дзясяткаў кінастужак, зроблены шэраг радыёпастановак. Асаблівую папулярнасьць набылі ягоныя «Міты Ктулху».

Крыніцы[рэдагаваць | рэдагаваць крыніцу]

  1. ^ а б в г data.bnf.fr: плятформа адкрытых зьвестак — 2011.
  2. ^ а б в Нямецкая нацыянальная бібліятэка, Бэрлінская дзяржаўная бібліятэка, Баварская дзяржаўная бібліятэка і інш. Record #118729241 // Gemeinsame Normdatei — 2012—2016.
  3. ^ а б в SNAC — 2010.
  4. ^ а б в г д Find a Grave — 1995. — ed. size: 165000000
  5. ^ а б в Інтэрнэт-база зьвестак фантастыкі — 1995.
  6. ^ а б в filmportal.de — 2005.
  7. ^ а б в BD Gest'

Вонкавыя спасылкі[рэдагаваць | рэдагаваць крыніцу]

Commons-logo.svg Гаўард Філіпс Лаўкрафтсховішча мультымэдыйных матэрыялаў