Кацярына Карстэн

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Кацяры́на Анато́леўна Ка́рстэн (у дзявоцтве Хадато́віч; нарадзілася 2 чэрвеня 1972 году ў вёсцы Асечана Крупскага раёну Менскай вобласьці) — беларуская вясьлярка. Заслужаны майстар спорту СССР (1992).

Першая двухразовая алімпійская чэмпіёнка (1996, 2000) у гісторыі Рэспублікі Беларусь; 6-разовая чэмпіёнка сьвету (1997, 1999, 2005—2007, 2009) у веславаньні на адзіночцы.

З 1997 року жыве ў Нямеччыне.

Дасягненьні[рэдагаваць | рэдагаваць крыніцу]

У 1991 року Хадатовіч стала 3-разовай чэмпіёнкай СССР і бронзавай прызэркай чэмпіянату сьвету ў двойцы. Выступаючы за Аб’яднаную каманду СНД на Летніх Алімпійскіх гульнях 1992 году ў Барсэлёне, заваявала ў складзе чацьверкі бронзавы мэдаль, які стаўся адзінай узнагародай весьляроў СНД у акадэмічным веславаньні.

Выступаючы за Беларусь, Карстэн атрымала па залатым мэдалі на Летніх Алімпійскіх гульнях 1996 у Атланце і 2000 у Сыднэі. На летніх Алімпійскіх гульнях 2004 у Атэнах яна атрымала срэбны мэдаль і на Летніх Алімпійскіх гульнях 2008 у Пэкінебронзавы.

Чэмпіёнка сьвету 2009. Прызнана найлепшай спартоўкай року Беларусі.

Сямейнае жыцьцё[рэдагаваць | рэдагаваць крыніцу]

У 1998 Кацярына Хадатовіч выйшла замуж за нямецкага бізнэсоўцу Вільфрыда Карстэна і ўзяла ягонае прозьвішча. Карстэны жывуць у Нямеччыне і маюць дачку Аляксандру.

Узнагароды[рэдагаваць | рэдагаваць крыніцу]

  • Ордэн Айчыны I ступені (2008)[1]
  • Ордэн Айчыны II ступені (2004)[2]
  • Ордэн Айчыны III ступені (2000)[3]
  • Ордэн Пашаны (1997)[4]
  • Мэдаль «За працоўныя заслугі»[5]
  • Ганаровая грамата Вярхоўнага Савету Рэспублікі Беларусь (1992)[6]
  • Ганаровая грамата прэзыдэнта Расейскай Фэдэрацыі (2010) — за вялікі ўнёсак у разьвіцьцё супрацоўніцтва з Расейскай Фэдэрацыяй у галіне спорту[7]

Крыніцы і заўвагі[рэдагаваць | рэдагаваць крыніцу]

  1. ^ Указ Президента Республики Беларусь от 17 июля 2008 г. № 388 «Аб узнагароджанні дзяржаўнымі ўзнагародамі Рэспублікі Беларусь»
  2. ^ Указ Президента Республики Беларусь от 17 сентября 2004 г. № 456 «Аб узнагароджанні групы спартсменаў, трэнераў, работнікаў фізічнай культуры і спорту дзяржаўнымі ўзнагародамі Рэспублікі Беларусь»
  3. ^ Указ Президента Республики Беларусь от 13 октября 2000 г. № 546 «Аб узнагароджанні групы спартсменаў, трэнераў, работнікаў фізічнай культуры і спорту дзяржаўнымі ўзнагародамі Рэспублікі Беларусь»
  4. ^ Указ Президента Республики Беларусь от 24 декабря 1997 г. № 651 «О награждении группы спортсменов и тренеров государственными наградами Республики Беларусь»
  5. ^ Указ Президента Республики Беларусь от 8 сентября 2008 г. № 502 «Аб узнагароджанні дзяржаўнымі ўзнагародамі Рэспублікі Беларусь»
  6. ^ Указ Президиума Верховного Совета Республики Беларусь от 23 сентября 1992 г. № 1839-XII «О награждении Почетной грамотой Верховного Совета Республики Беларусь спортсменов, тренеров, работников физической культуры и спорта по результатам XXV летних Олимпийских игр»
  7. ^ Распоряжение Президента Российской Федерации от 30 июля 2010 года № 503-рп «О награждении Почётной грамотой Президента Российской Федерации иностранных граждан»

Вонкавыя спасылкі[рэдагаваць | рэдагаваць крыніцу]