Касьцёл францысканцаў (Грынявічы)

Храм
Касьцёл францысканцаў
Краіна	Беларусь
Месцазнаходжаньне	Грынявічы
Каардынаты	53°0′32″ пн. ш. 24°27′49″ у. д.
Канфэсія	Рымска-каталіцкая царква
Эпархія	Гарадзенская дыяцэзія
Архітэктурны стыль	барока
Будаваньне	???—1792 гады
Статус	Гісторыка-культурная каштоўнасьць Беларусі, шыфр 412Г000475
Касьцёл францысканцаў на мапе Беларусі Касьцёл францысканцаў

Касьцёл францысканцаў — каталіцкі храм у вёсцы Грынявічы (Сьвіслацкі раён). Пабудаваны ў 1792 годзе. Помнік архітэктуры позьняга барока.

Архітэктура

Касьцёл пасьля перабудовы ў царкву, пач. XX ст.

Касьцёл з боку апсіды

Мураваная трохнефная базыліка зь бязьвежавым фасадам і прамавугольнай алтарнай апсідай накрытая пакатым (раней высокім) двухсхільным дахам. Кароткія бакавыя нэфы завершаныя невысокімі аб’ёмамі рызьніцай. Сьцены бакавых фасадаў рытмічна падзеленыя пляскатымі пілястрамі.

Вокны з лучковымі завяршэньнямі. Пукаты галоўны фасад падзелены на два ярусы на ўзроўні карнізаў нэфаў і завершаны фігурным франтонам. Дэкор галоўнага фасаду і інтэр'ер зьмененыя пры перабудове касьцёлу пад праваслаўную царкву ў 1870 годзе. Зьберагліся дзьверы з каванымі накладкамі, фрагмэнты мураванай агароджы і брама XVIII стагодзьдзя.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с.: іл. — ISBN 5-85700-078-5.
• Габрусь Т. В. Мураваныя харалы: Сакральная архітэктура беларускага барока / Т. В. Габрусь. Мн.: Ураджай, 2001.— 287 с.: іл. ISBN 985-04-0499-X, с. 249.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  412Г000475

• Касьцёл францысканцаў , Radzima.org
• Касьцёл францысканцаў  (рас.), Глёбус Беларусі