Касьцёл Нараджэньня Найсьвяцейшай Панны Марыі (Вязынь)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Помнік сакральнай архітэктуры
Касьцёл Нараджэньня Найсьвяцейшай Панны Марыі
Касьцёл Нараджэньня Найсьвяцейшай Панны Марыі
Касьцёл Нараджэньня Найсьвяцейшай Панны Марыі
Краіна Беларусь
Вёска Вязынь
Каардынаты 54°25′15.79″ пн. ш. 27°9′45.14″ у. д. / 54.4210528° пн. ш. 27.1625389° у. д. / 54.4210528; 27.1625389Каардынаты: 54°25′15.79″ пн. ш. 27°9′45.14″ у. д. / 54.4210528° пн. ш. 27.1625389° у. д. / 54.4210528; 27.1625389
Канфэсія каталіцтва
Эпархія Менска-Магілёўская архідыяцэзія 
Тып будынка касьцёл
Архітэктурны стыль нэагатычны з элемэнтамі мадэрну
Будаваньне 19081909 гады
Асноўныя даты:
1543першае ўзгадваньне парафіі
1909кансэкрацыя касьцёла
1993вяртаньне касьцёла вернікам
1993аднаўленьне парафіі
2005рэстаўрацыя і рэнавацыя касьцёла
Стан дзейны
Касьцёл Нараджэньня Найсьвяцейшай Панны Марыі на мапе Беларусі
Касьцёл Нараджэньня Найсьвяцейшай Панны Марыі
Касьцёл Нараджэньня Найсьвяцейшай Панны Марыі
Касьцёл Нараджэньня Найсьвяцейшай Панны Марыі

Касьцёл (Капліца) Нараджэньня Найсьвяцейшай Панны Марыі — помнік архітэктуры пачатку XX ст. у Вязыні. Знаходзіцца ў цэнтры колішняга мястэчка[a]. Дзейнічае. Твор архітэктуры нэагатычнага стылю з элемэнтамі мадэрну.

Гісторыя[рэдагаваць | рэдагаваць крыніцу]

Капліца, 1920-я гг.

Вялікае Княства Літоўскае[рэдагаваць | рэдагаваць крыніцу]

Парафія Нараджэньня Найсьвяцейшай Панны Марыі ў Вязыні ўпершыню ўпамінаецца ў 1543 годзе[1]

Пад уладай Расейскай імпэрыі[рэдагаваць | рэдагаваць крыніцу]

Па другім падзеле Рэчы Паспалітай (1793 год), калі Вязынь апынулася ў складзе Расейскай імпэрыі, у мястэчку працягвала дзейнічаць капліца.

У 1908—1909 гадох у Вязыні з цэглы і вапняку пасярод сядзібна-паркавага комплексу Гяцэвічаў збудавалі новую капліцу[2].

Найноўшы час[рэдагаваць | рэдагаваць крыніцу]

У міжваенны час капліца пачала дзейнічаць як касьцёл. Па Другой сусьветнай вайне савецкія ўлады зачынілі касьцёл, будынак якога перарабілі пад вясковы клюб[3].

У 1993 годзе будынак касьцёла вярнулі каталікам, аднавілася парафія. У 2005 годзе праводзілася рэстаўрацыя і рэнавацыя касьцёла.

Архітэктура[рэдагаваць | рэдагаваць крыніцу]

Помнік архітэктуры нэаготыкі з элемэнтамі мадэрну[3]. Гэта ўзьняты на высокі цокаль прастакутны аб’ём з 5-граннай апсыдай, над якой сьпічасты 2-схільны чаралічны дах пераходзіць у вальмавы[3]. Востраканцовы шчыпец фасаду акаймоўваецца зубчастым фрызам, завяршаецца шатровай сыгнатуркай-званічкай[3]. Вуглы адзначаліся фіяламі (не захаваліся)[3]. Уваход вылучаецца 2-слуповым ганкам над шатровым чарапічным пакрыцьцём; раскрываецца шырокім стральчатым праёмам, выкладзеным валмавымі квадрамі[3]. Стральчатым праёмам адзначаецца і ўваход у капліцу[3]. Ад сярэднявеччай готыкі выкарыстоўваюцца прыступкавыя контрфорсы, аркатурныя фрызы, стральчатыя аконныя праёмы, выкладзеныя з часаных вапняковых квадраў[3].

Усярэдзіне заля і апсыда перакрываюцца зоркавымі скляпеньнямі[3].

Галерэя[рэдагаваць | рэдагаваць крыніцу]

Заўвагі[рэдагаваць | рэдагаваць крыніцу]

  1. ^ Цяперашні афіцыйна адрас — вуліца 17 верасьня, 9

Крыніцы[рэдагаваць | рэдагаваць крыніцу]

  1. ^ Вязынь — парафія Нараджэньня Найсьвяцейшай Панны Марыі, Catholic.by
  2. ^ Федорук А. Т. Старинные усадьбы Минского края. — Мн., 2000. С. 208—210.
  3. ^ а б в г д е ё ж з Кулагін А. Каталіцкія храмы Беларусі. — Менск, 2008.

Літаратура[рэдагаваць | рэдагаваць крыніцу]

  • Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі[рэдагаваць | рэдагаваць крыніцу]