Каменяломнікавыя
| Каменяломнікавыя | |
 Каменяломнік зярністы (Saxifraga granulata) — тыповы від | |
| Клясыфікацыя | |
|---|---|
| Надцарства | Эўкарыёты (Eukaryota) |
| Царства | Расьліны (Plantae) |
| Аддзел | Кветкавыя (Angiosperms) |
| Кляса | Двухдольныя (Eudicots) |
| Атрад | Каменяломнікакветныя (Saxifragales) |
| Сямейства | Каменяломнікавыя |
| Бінамінальная намэнклятура | |
| Saxifragaceae Juss. | |
Каменяломнікавыя (Saxifragaceae) — сямейства кветкавых расьлінаў, якое зьмяшчае каля 33 роды і 640 відаў[1].
Апісаньне
[рэдагаваць | рэдагаваць крыніцу]Прадстаўнікі гэтага сямейства — шматгадовыя, рэдка двухгадовыя (Saxifraga) альбо аднагадовыя (Cascadia, Saxifraga) травы. Лісьце звычайна ў прыкаранёвых разетках, часам сьцяблёвае, звычайна чарговае, часам супратыўнае (Chrysosplenium, Lithophragma, Mitella, Saxifraga), звычайна простае, часам складанае (Astilbe, часам у Lithophragma, Tiarella); прылісткі прысутныя альбо адсутнічаюць. Кветкавыя сьцяблы, якія з’яўляюцца вясной, летам ці восеньню, звычайна маюць лісьце. Кветкі як правіла ў суквецьці альбо адзіночныя (Chrysosplenium, Lithophragma); звычайна двухполыя, часам аднаполыя (Astilbe, Saxifraga); чашалісьцікаў звычайна (4)5(6), выразна выяўленыя; пялёсткаў звычайна (4)5(6) альбо адсутнічаюць, выразна выяўленыя; тычачак (2)5(10). Плоды — каробачкападобныя, рэдка лісьцянкападобныя (Cascadia, Micranthes). Насеньне 5–200, сьветла-карычневае, карычневае, цёмна-карычневае, чорнае, жаўтлява-карычневае, чырванавата-карычневае ці чырвонае, рэдка крылатае (Astilbe, Jepsonia, Sullivantia)[2][3][4].
Арэал
[рэдагаваць | рэдагаваць крыніцу]Распаўсюджваньне: пераважна ўмераныя і арктычныя рэгіёны паўночнага паўшар’я, а таксама трапічныя гарыстыя рэгіёны[2][3][4].
Крыніцы
[рэдагаваць | рэдагаваць крыніцу]- ^ Christenhusz, M. J. M.; Byng, J. W. The number of known plants species in the world and its annual increase // Phytotaxa. — 2016. — Т. 261. — № 3. — С. 201–217. (анг.)
- ^ а б Stevens, P.F. Angiosperm Phylogeny Website Праверана 27.08.2020 г. (анг.)
- ^ а б Flora of North America. efloras.org. Праверана 27.08.2020 г. (анг.)
- ^ а б Kew Science Plants of the World Online Праверана 27.08.2020 г. (анг.)
 |
Гэта — накід артыкула пра батаніцы. Вы можаце дапамагчы Вікіпэдыі, пашырыўшы яго. |