Казімер Прушынскі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Казімер Прушынскі
Kazimierz Prószyński 1909.jpg
Дата нараджэньня 4 красавіка 1875(1875-04-04)[1]
Месца нараджэньня
Дата сьмерці 13 сакавіка 1945(1945-03-13)[1] (69 гадоў)
Месца сьмерці
Грамадзянства
Занятак вынаходнік, кінарэжысэр, апэратар-пастаноўшчык
Бацька Конрад Прушынскі[d]
Подпіс Выява аўтографу

Казімер Прушынскі (па-польску: Kazimierz Prószyński; 4 красавіка 1875 — 13 сакавіка 1945) — польскі вынаходнік, які актыўна працаваў у галіне фатаграфіі. Ён запатэнтаваў сваю першую кінакамэру пад назвай Плеограф да братоў Люм’ер, а потым удасканаліў кінапраектар кампаніі Gaumont, а таксама вынайшаў шырока выкарыстоўваную ручную камэру Аэраскоп. Зьяўляўся сынам менскага фатографа.

Біяграфія[рэдагаваць | рэдагаваць крыніцу]

Атрымаў адукацыю ў Польшчы і Бэльгіі. Актыўна працаваў у Бэльгіі, Францыі, Ангельшчыне, ЗША і Польшчы. У 1894 годзе Казімер стварыў адну зь першых кінакамэраў. Гэты апарат атрымаў назву Плеограф, альбо апарат для фатаграфаваньня і праектаваньня здымкаў, і ён быў сканструяваны да таго, як браты Люм’ер атрымалі патэнт на сваё вынаходзтва. У пачатку ХХ стагодзьдзя Прушынскі стварыў некалькі фільмаў, праводзіўшы здымкі ў Польшчы, а таксама вынайшаў палепшаны затвор кінапраектару, першую кінакэмеру і распрацаваў мэтад сынхранізацыі гуку і выявы.

Вынаходнік значную частку свайго жыцьця правёў за мяжой. У пачатку ХХ стагодзьдзя працаваў у Францыі і Ангельшчыне, дзе вынайшаў камэры Аэраскоп у 1909 годзе. Прынцып ейнае працы заснаваны на сьціснутым паветры. Пры здымках з дапамогай Аэраскопу апэратару ня трэба было круціць дзяржак, як ва ўсіх камэрах таго часу, таму ён меў магчымасьць трымаць камэру абедзьвюма рукамі. Гэта дазволіла рабіць здымкі ручной камэрай у самых складаных умовах і з самалётаў. Перад здымкамі ў сыстэму камэры накачвалі сьціснутае паветра з дапамогай простай адмысловай помпы, падобнага да той, якая ўсё яшчэ выкарыстоўваецца як помпы да роварных шынаў. Сотні лёгкіх і параўнальна кампактных камэраў Аэраскоп выкарыстоўваліся брытанскімі апэратарамі баявой апэрацыі брытанскага войску на палёх бітваў Першай сусьветнай вайны, а потым апэратарамі кінакронікі да канца 1920-х гадоў, калі больш сучасныя камэры, такія як Eyemo і пазьней Bolex, занялі рынак. Тым ня менш, існуюць архіўныя фатаграфіі камэраў Аэраскоп, якія брытанскія баявыя апэратары выкарыстоўвалі яшчэ ў 1940 годзе на пачатку Другой сусьветнай вайны.

Як толькі Польшча аднавіла сваю незалежнасьць у лістападзе 1918 году, Прушынскі вярнуўся разам з жонкай-ангелькай Даротай і дзецьмі на радзіму. З самага пачатку было цяжка знайсьці бізнэсовых партнэраў. У 1922 годзе яму ўдалося стварыць кампанію Oko, якая займалася прасоўваньнем і прадажам простай аматарскай камэры, аднак эканамічны крызіс 1920-х гадоў перапыніў ягоныя пляны. Падчас нямецкай акупацыі быў зьмешчаны ў канцэнтрацыйны лягер, дзе і памёр.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]