Кабаргавыя

Кабаргавыя
Moschus moschiferus
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Парнакапытныя (Artiodactyla)
Падатрад	Жуйкавыя (Ruminantia)
Сямейства	Кабаргавыя
Бінамінальная намэнклятура
Moschidae Gray, 1821
Кабаргавыя на Віківідах  Кабаргавыя ў Вікісховішчы ITIS 624921 ·

Кабаргавыя (Moschidae) — сямейства клясы сысуноў; уключае 1 сучасны род і 7 сучасных відаў. Гэтыя жывёлы насяляюць тэрыторыю, якая ўключае паўночны Афганістан, Пакістан, Індыю, Гімалайскае плато паўднёвага Кітая, Нэпал, Тыбэт і Паўночны Віетнам. Жывуць у лясах і хмызьняках. Самыя раньнія кабаргавыя вядомыя з алігацэна Эўропы.

Гэта маленькія жывёлы, 9–11 кг. У кабаргаў грубая поўсьць, а заднія канечнасьці даўжэй пярэдніх. У іх адсутнічаюць рогі, і іх верхнія іклы шабляпадобныя (у самак меншыя іклы). У самцоў у брушнай поласьці ёсць мускусная залоза.

Калі іх пераследуюць, гэтыя жывёлы робяць велізарныя скачкі з радыкальнымі зьменамі кірунку. Яны настолькі спрытныя, што могуць скакаць на дрэвы, дзе могуць балансаваць на тонкіх галінах, каб здабываць корм. Гэта скрытныя жывёлы, якія звычайна актыўныя ў начны час альбо раньняй раніцай, альбо позьнім вечарам. Звычайна яны адзінкавыя. Іх рацыён уключае як лісьце і галінкі, так і травяністыя расьліны. Цяжарнасьць працягваецца 5 месяцаў.

Сыстэматыка

Кабаргавыя (Giraffidae)

• род кабарга (Moschus)
  • сучасныя віды: M. anhuiensis, M. berezovskii, M. chrysogaster, M. cupreus, M. fuscus, M. leucogaster, M. moschiferus
• вымерлыя роды: †Blastomeryx, †Longirostromeryx, †Machaeromeryx, †Parablastomeryx, †Problastomeryx, †Pseudoblastomeryx, †Dremotherium, †Pomelomeryx, †Micromeryx, †Bedenomeryx, †Friburgomeryx, †Hispanomeryx, †Hydropotopsis, †Oriomeryx