Зянон Ахрамовіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Зянон Ахрамовіч
Род дзейнасьці удзельнік антыкамуністычнага падпольнага вучнёўскага руху
Дата нараджэньня 1932
Месца нараджэньня Сьцяг Польшчы хутар каля в. Чарняты, Ашмянскі павет, Віленскае ваяводзтва, Польская Рэспубліка
Бацька Аўгусцін Ахрамовіч[d]
Маці Ганна Ахрамовіч[d]

Зянон Ахрамовіч (1932, хутар каля в. Чарняты, цяпер Смаргонскі раён) — удзельнік антыкамуністычнага падпольнага вучнёўскага руху ў Смаргоні 1949—1950 гг (Мядзельска-Смаргонскае моладзевае антыкамуністычнае падпольле).

Вучыўся ў Смаргонскай сярэдняй школе, восеньню 1949 актыўна ўключыўся ў антыкамуністычную дзейнасьць, разам з кіраўніком падпольнай арганізацыі Расьціславам Лапіцкім распаўсюджваў улёткі; захоўваў на бацькавым хутары друкарку, на якой друкаваліся ўлёткі. Арыштаваны ў лютым 1950 году, летам таго ж году вайсковым трыбуналам Беларускай Вайсковай Акругі асуджаны па справе мядзельска-смаргонскага падпольля на 25 гадоў зьняволеньня ў лягерох. Пакараньне адбываў у асноўным у Сьвярдлоўскай вобласьці на лесапавале і будаўнічых работах разам зь іншымі ўдзельнікамі арганізацыі Канстантынам Іваноўскім і Эдуардам Сташкевічам.

Вызвалены са зьняволеньня ў сярэдзіне 50-х. Вярнуўся на Смаргоншчыну і неўзабаве выехаў у Польшчу, жыве ў Эльблёнгу.

Літаратура[рэдагаваць | рэдагаваць крыніцу]

  • Антысавецкія рухі ў Беларусі (1944—1956). Даведнік
  • Чарняўскі М. М. Да гісторыі Мядзельска-Смаргонскага вучнёўскага падполля // Палітычныя рэпрэсіі на Беларусі ў ХХ стагоддзі: Матэрыялы нав.-практ. канферэнцыі (Менск, 27—28 лютага 1998 г.). Мн., 1998; Антысавецкія рухі.