Зьміцер Кісель (малодшы)

Зьвесткі зь Вікіпэдыі — вольнай энцыкляпэдыі
Зьміцер Кісель
Дата нараджэньня 3 студзеня 1990(1990-01-03) (34 гады)
Месца нараджэньня
Занятак журналіст

Зьмі́цер Кісе́ль (нар. 3 студзеня 1990 году, Пінск) — журналіст, грамадзкі дзяяч, краязнаўца Пінскага Палесься.

Біяграфія[рэдагаваць | рэдагаваць крыніцу]

Грамадзкая дзейнасьць пачалася з напісаньня працы па жыцьці Р. Скірмунта на моладзевую гістарычную канфэрэнцыю, якую ладзіў Палескі дзяржаўны ўнівэрсітэт (ПалесДУ) ды ўсталяваньня мэмарыяльнай шыльды на магіле Рамана Скірмунта, што ў вёсцы Парэчча Пінскага раёну.

Зь верасьня 2014 па травень 2017 году ачольваў Інфармацыйна-асьветніцкую ўстанову «Інстытуцыйнага разьвіцьця»[1], якая дзейнічала на тэрыторыі Берасьцейскай вобласьці. Ініцыятар ушанаваньня памяці ў Беларусі амэрыканкі Люізы Арнэр Бойд. Аўтар фотаальбому «Палесьсе Луізы Бойд»[2] і сцэнару да дакумэнтальнай стужкі «Палесьсе Луізы Бойд»[3]. Зь траўня 2017 году па лістапад 2021 году старшыня берасьцейскага абласнога гуманітарна-асьветніцкага грамадзкага аб’яднаньня «Садружнасьць Палесься»[4][5].

Ініцыяваў добраўпарадкаваньне і папулярызацыю крыніц Пінскага раёна, як важныя аб'екты экатурызму. У 2017-2018 гадах аўтар і каардынатар праекта «Захаваем крыніцы Пінскага Палесься»[6][7].

Гістарычныя артыкулы Зьмітра Кісяля друкуюцца на рэгіянальных Інтэрнэт-рэсурсах Берасьцейшчыны ды ў польскамоўным часопісе «Echa Polesia». Жыве ў Беластоку ды Пінску.

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]