Земская ўправа (Амсьціслаў)

Помнік грамадзянскай архітэктуры
Земская ўправа
Будынак былой земскай управы
Краіна	Беларусь
Места	Амсьціслаў
Каардынаты	54°01′15″ пн. ш. 31°43′41″ у. д.
Дата заснаваньня	канец XIX — пачатак XX ст.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Земская ўправа на мапе Беларусі Земская ўправа
Земская ўправа на Вікісховішчы

Земская ўправа — помнік архітэктуры канца XIX — пачатку XX ст. у Амсьціславе. Знаходзіцца на гістарычнай Кіеўскай вуліцы. Твор архітэктуры эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Будаваўся ў канцы XIX — пачатку XX ст. з цэглы. У будынку разьмяшчалася земская ўправа.

Архітэктура

Помнік эклектычнай архітэктуры. Гэта 2-павярховы П-падобны ў пляне будынак з высокімі паўсутарэньнямі, 2-схільным вальмавым дахам. Бакавы вугал зразаецца і завяршаецца шчытападобным атыкам. Фасады падзяляюцца карнізам на два паверхі, таксама яны падзяляюцца вэртыкальна лапаткамі і аконнымі праёмамі. Вокны высокія прастакутныя на першым паверсе і лучковага абрысу з складанымі ліштвамі на другім. Сьцены завяршаюцца разьвітым карнізам з сухарыкамі. На другім паверсе бальконы з чыгуннымі агароджамі.

Усярэдзіне мае калідорную сыстэму плянаваньня.

Літаратура

• Збор помнікаў гісторыі і культуры Беларусі. Магілёўская вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. Марцэлеў (гал. рэд.) і інш. — Менск: Беларус. Сав. Энцыклапедыя, 1986. — 408 с.: іл.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  513Г000506

• Гістарычная забудова Амсьціслава, Radzima.org