Перайсьці да зьместу

Жыжма

Зьвесткі зь Вікіпэдыі — вольнай энцыкляпэдыі
Рака
Жыжма
Агульныя зьвесткі
Выток Салечніцкі раён (Летува)
Вусьце Гаўя
Краіны басэйну Беларусь
Вобласьці Гарадзенская вобласьць
Даўжыня 82 км
Сярэднегадавы сьцёк 4,1 м³/с
Плошча басэйну 584 км²
Нахіл воднай паверхні 0,8 ‰

Жы́жма — рака ў Беларусі і Летуве, правы прыток ракі Гаўі (басэйн Нёману). Даўжыня 82 км. Плошча вадазбору 584 км². Выдатак вады ў вусьці 4,1 м³/с. Сярэдні нахіл воднай паверхні 0,8‰.

На рацэ стаіць гістарычнае мястэчка Германішкі.

Пачынаецца ў Салечніцкім раёне Летувы, цячэ ў Вярэнаўскім, Лідзкім і Іўеўскім раёнах Беларусі. Значных прытокаў няма.

Даліна трапэцападобная. Абалона двухбаковая, забалочаная, шырыня 0,4—0,8 км. Рэчышча на працягу 27,4 км каналізаванае (ад вёскі Мікянцаў Вярэнаўскага раёну да вёскі Сонтакаў Іўеўскага раёну). Яго шырыня ў межань да вёскі Германішкаў 5—8 м, на астатнім працягу 8—15 м. Берагі пяскова-ілістыя, стромкія, часам абрывістыя. На рацэ каля вёскі Гайцюнішкаў сажалка[1].

  1. ^ Блакітная кніга Беларусі. Энцыкл. — Мн.: 1994. С. 165.
  • Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
  • Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
  • Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.