Жан-Поль Рапно

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Жан-Поль Рапно (па-француску: Jean-Paul Rappeneau; нар. 8 красавіка 1932, Асэр, Францыя) — францускі кінарэжысэр і сцэнарыст.

Біяграфія[рэдагаваць | рэдагаваць крыніцу]

Пачынаў як асыстэнт рэжысэра на здымках фільмаў Люі Маля «Зазі ў мэтро» і «Прыватнае жыцьцё», да апошняга зь якіх быў таксама суаўтарам сцэнару. У 1964 годзе выступіў суаўтарам сцэнару і асыстэнтам рэжысэра Філіпа дэ Брока на здымках фільма «Чалавек з Рыё» з Жанам-Полем Бэльмандо ў галоўнай ролі. Яго ж Рапно здыме ў адным са сваіх першых фільмаў — «Паўторны шлюб» (1971).

У 1973 ён зноў супрацоўнічае з дэ Брока і Бэльмандо, прыняўшы ўдзел у напісаньні сцэнару да камэдыі «Цудоўны». У 1990 годзе выходзіць самы пасьпяховы на сёньняшні дзень фільм Рапно — экранізацыя п’есы «Сырано дэ Бэржэрак» Эдмона Растана, з Жэрарам Дэпард’ё і Вэнсанам Пэрэсам у галоўных ролях. У 2003 рэжысэр зноў здымае Дэпард’ё ў сваім фільме — на гэты раз у «Бон Ваяж».