Емяльян Вароніч
| Емяльян Вароніч | |
| Асабістыя зьвесткі | |
|---|---|
| Нарадзіўся | 1924 Грушава, Кобрынскі павет Палескага ваяводзтва |
| Памёр | 2013 Пружанскі раён Берасьцейскай вобласьці |
| Літаратурная дзейнасьць | |
| Род дзейнасьці | настаўнік, паэт |
| Мовы | беларуская, расейская |
Емялья́н Кузьмі́ч Варо́ніч (1924, Грушава, цяпер у Кобрынскім раёне Берасьцейскай вобласьці — кастрычнік 2013, Пружанскі раён) — беларускі паэт, настаўнік.
Жыцьцяпіс[рэдагаваць | рэдагаваць крыніцу]
Нарадзіўся ў вёсцы Грушава Кобрынскага павету Палескага ваяводзтва (Другая Рэч Паспалітая) у сялянскай сям’і.
У 1944 стаў загадчыкам Татарнавіцкай пачатковай школы ў Дарагічынскім раёне Пінскай вобласьці. Скончыў Берасьцейскі настаўніцкі інстытут (1946—1948) з дыплёмам выдатніка. У 1948—1950 працаваў завучам Магілявецкай сярэдняй школы, пасьля ў 26-гадовым узросьце стаў дырэктарам Рудзевіцкай васьмігадовай школы на Ружаншчыне (цяпер у Зэльвенскім раёне Гарадзенскай вобласьці).
У 1960 скончыў Берасьцейскі пэдагагічны інстытут па спэцыяльнасьці беларуская і расейская мова і літаратура. У 1973—1985 — дырэктар Носкаўскай васьмігодкі.
Па выхадзе на пэнсію заняўся стварэньнем дзіцячага садку ў Хараве і сем гадоў працаваў ягоным загадчыкам.
Творчасьць[рэдагаваць | рэдагаваць крыніцу]
Пісаў вершы, друкаваўся ў «Раённых буднях», «Настаўніцкай газэце», «ЛіМе», часопісах «Пралеска» і «Вожык». Выдаў некалькі зборнікаў.
Перакладаў на беларускую мову Адама Міцкевіча.
Літаратура[рэдагаваць | рэдагаваць крыніцу]
- Емяльян Вароніч. Дыялог з жыццём і часам. — Пружаны: Цэнтральная раённая бібліятэка імя М. Засіма.
- У вершах застанецца // Раённыя будні. — 30 кастрычніка 2013. — № 85 (9630). — С. 5.