Давід Сурутуса

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Давід Сурутуса
David-Zurutuza.jpg
Пэрсанальная інфармацыя
Нарадзіўся 19 ліпеня 1986(1986-07-19)[1] (34 гады)
Рашфор
Рост 1,84 м
Вага 70 кг
Пазыцыя інсайд і цэнтральны паўабаронца
Клюбы
Гады Клюб Гульні (галы)¹
2005—2009
2007—2008
2009—2020
Рэал Сасьедад 2
Эйбар (арэнда)
Рэал Сасьедад
82 (5)
24 (2)
267 (20)

¹ Колькасьць гульняў і галоў за прафэсійны клюб лічыцца толькі
для нацыянальнай лігі.

Давід Сурутуса (па-басконску: David Zurutuza; нарадзіўся 19 ліпеня 1986 году, Рашфор, Францыя) — былы гішпанскі футбаліст басконскага паходжаньня, паўабаронца.

Кар’ера[рэдагаваць | рэдагаваць крыніцу]

Давід Сурутуса нарадзіўся 19 ліпеня 1986 году ў францускім горадзе Рашфор. Ягоны бацька быў родам з Аспэйтыя, маці з Францыі. Пасьля нараджэньня Давіда сям’я пераехала з Рашфору у Краіну Баскаў. Сурутуса пачаў займацца футболам у 1994 годзе, у спартовым клюбе «Декатлён Андароа». Пасьля гэтага Давід перайшоў у моладзевую акадэмію «Рэал Сасьедада». Тут ён трэніраваўся пад кіраўніцтвам былога брамніка клюбу Люіса Арканады.

27 жніўня 2005 году ва ўзросьце 19 гадоў Давід дэбютаваў за другую каманду «бела-сініх» у матчы трэцяга гішпанскага дывізіёну супраць другой каманды «Вальядаліду» (0:0)[2]. У сваім дэбютным сэзоне Сурутуса згуляў 29 матчаў, прычым ва ўсіх выходзіў у стартавым складзе й адгуляў без замен.

Перад пачаткам сэзону 2007—2008 гадоў Давід быў аддадзены ў арэнду клюбу «Эйбар», які выступаў у Сэгундзе[3]. За новую каманду Сурутуса дэбютаваў 8 верасьня 2007 году ў гасьцявым матчы супраць «Сэльты» (1:0). Выйшаўшы на замену на 72-й хвіліне, Давід на 81-й хвіліне забіў адзіны мяч і прынёс перамогу сваёй камандзе[4].

Вярнуўшыся з арэнды, Сурутуса працягваў выступы за другую каманду «бела-сініх» у трэцім дывізіёне. Аднак у сэзоне 2009—2010 гадоў Давід стаў гульцом асноўнай каманды «бела-сініх». У тым жа годзе клюб атрымаў перамогу ў Сэгундзе й атрымаў пуцёўку ў найвышэйшы гішпанскі дывізіён, а Давід згуляў у 28-мі матчах чэмпіянату[5].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]