Гісторыя Беларусі (мультфільм)
| Гісторыя Беларусі | |
.jpg) | |
| Тып мультфільму | анімацыйны фільм |
|---|---|
| Жанр |
гістарычны краінашары |
| Аніматары | Art's Animations |
| Краіна |
.svg){kind=small} Беларусь |
| Працягласьць | 23:37 |
| Прэм’ера | 10 жніўня 2017 году |
«Гісторыя Беларусі» — беларускі аматарскі нямы анімацыйны фільм, прысьвечаны гісторыі Беларусі. Сюжэт мультфільму апісвае гістарычны шлях Беларусі, паказваючы важкія падзеі ейнай гісторыі. Аўтар прызнае, што ў нейкай ступені натхняўся мультфільмам «Будзьма беларусамі».
Стварэньне
[рэдагаваць | рэдагаваць крыніцу]17 кастрычніка 2015 году на ютубным канале тады яшчэ івацэвіцкага школьніка Арцёма Саяўца «Art's Animations» зьяўляецца кароткамэтражны мультфільм «Гісторыя Беларусі» (па-расейску: Истории Беларуси) працягласьцю 3:41, які станам на 3 студзеня 2021 году мае 3.673.110 праглядаў. Аднак аўтар прызнаў шмат якія недарабленьні й памылкі (як гістарычныя, гэтак і з анімацыяй). 12 сакавіка 2017 году ён у сваёй суполцы «Ў Кантакце» аб’яўляе пра старт працы над «Гісторыяй Беларусі», якая мусіла быць больш якаснай.
Цягам стварэньня мультфільму аўтар выкладваў у свваёй суполцы «Ў Кантакце» здымкі ці абрэзаныя сцэнкі з мультфільму. Ужо тады падпісанты адзначалі даволі добрую якасьць мультфільму. 28 чэрвеня аўтар агалосіў пра злом камп’ютару, з-за чаго выпуск мультфільму быў адкладзены. 17 ліпеня ўжо было паведамлена пра працяг працы. На «YouTube» мультфільм зьяўляецца 10 жніўня 2017 року.
Мультфільм
[рэдагаваць | рэдагаваць крыніцу]У адрозьненьне ад першае «Гісторыі Беларусі» (па-расейску: Истории Беларуси), дзе амаль усё канцэнтравалася на пазытыве, «Гісторыя Беларусі» 2017 году мае больш глыбокае адлюстраваньне беларускае мінуўшчыны. Напрыклад, даволі трагічна паказаная сцэна падзелаў Рэчы Паспалітай: чорны хвон, акрутнасьць.
Станам на 3 студзеня 2021 году мультфільм мае ўжо 6.377.090 праглядаў.
Паводле статыстыкі на студзень 2018 году (тады мультфільм набраў ужо звыш мільёну праглядаў): 41% ад усіх праглядаў з Расеі; 11% — Украіна; 8% — Беларусь ; 6% — Польшча; 4% — ЗША, 30% — астатнія краіны.
Некаторыя адсылкі
[рэдагаваць | рэдагаваць крыніцу]- Сцэна паляваньня на зубра (5:09—5:30) — «Песьня пра зубра» Міколы Гусоўскага.
- Заключальная сцэна (22:34—23:06), у якой над Беларусьсю зьяўляецца бусел — «Зямля пад белымі крыламі» Ўладзіміра Караткевіча.
Вонкавыя спасылкі
[рэдагаваць | рэдагаваць крыніцу]- Паглядзець «Гісторыю Беларусі» (2015) на «YouTube»
- Паглядзець «Гісторыю Беларусі» (2017) на «YouTube»
- Інтэрвію са стваральнікам (2018)
- Гісторыя Беларусі ў жанры Countryballs // Беларускае Радыё Рацыя.
- Орша в Countryballs // Оршанский региональный портал. — 17.08.2017 14:48.
- Пра мультфільм