Гудбрандур Торляксан

Гудбрандур Торлаксан. Партрэт XVII ст.

Першае поўнае выданьне Бібліі на ісьляндзкай мове

Гудбрандур Торлаксан (па-ісьляндзку: Guðbrandur Þorláksson; нар 1541 (?) г. — пам. 20 ліпеня 1627 г.) — ісьляндзкі царкоўны дзяяч, географ і матэматык, гуманіст.

Бацькамі Торлаксана былі Торлак Хадльгрымсан і Хельга Ёнсдоцір. Вучыўся ў эпіскапскай школе ў Холары (Ісьляндыя), пазьней — у Капенгагэнскім унівэрсытэце. Пасьля вучобы вярнуўся на радзіму, зрабіўся рэктарам школы ў Скалхольце. Пазьней быў сьвятаром у Брэйдаболстадуры і, з 8 красавіка 1571 году і да самой сьмерці — эпіскапам Паўночнай Ісьляндыі ў Холары.

Торлаксан у 1584 годзе надрукаваў першы поўны пераклад Бібліі на ісьляндзкую мову (так званая Гудбрандбіблія).

У 1590 годзе стварыў першую навуковую мапу Ісьляндыі.